TMIEN AVUKATI ĠODDA JINGĦATAW IL-WARRANT
pr1959
11/11/2009
Il-Ministru tal-Ġustizzja u l-Intern, l-Onor. Carm Mifsud Bonnici illum wara nofsinhar ippreżenta l-warrant lil tmien avukati ġodda wara li dawn lestew l-istudji tagħhom.
| F’diskors qasir qabel iċ-ċerimonja, filwaqt | li feraħ lill-avukati ġodda f’dan il-jum importanti fil-karriera tagħhom, il-Ministru Mifsud Bonnici qal illi l-Qorti li dawn ser jibdew jaħdmu fiha, hija bil-bosta differenti u aħjar minn dik li kien beda jaħdem fiha hu ftit wara li ggradwa bħala avukat. Hu irrefera għal bosta tibdiliet li seħħew fil-Qrati fl-aħħar snin u li taw diversi għodod ġodda lill-avukati u l-klijenti tagħhom – fosthom iċ-Ċentru tal-Medjazzjoni, iċ-Ċentru tal-Arbitraġġ, t-Tribunal Amministrattiv u t-Tribunal għat-Talbiet iż-Żgħar. Huwa ħeġġeġ lill-avukati ġodda biex jużaw dawn l-għodod sabiex iżidu l-ħeffa li biha jinqdew mill-Qorti. |
| Il-Ministru qal ukoll li għalkemm in-numru ta’ | kawżi ġodda li jidħlu fil-Qrati tal-Ġustizzja baqa’ wieħed kostanti jew żdied, il-backlog u l-età medja tal-kawżi pendenti quddiem il-Qrati komplew jonqsu. Hu qal li skond l-aħħar statistika maħruġa mill-Qorti fl-aħħar ta’ Settembru, l-età ta’ 61% tal-kawżi hija taħt tliet snin. Huwa semma l-eżempju tal-Qorti Kostituzzjonali fejn mat-88% tal-kawżi pendenti, ilhom quddiemha anqas minn sena – jiġifieri żieda ta’ 66% fuq l-istess statistika tas-sena li għaddiet. Semma wkoll il-Qorti tal-Appelli Ċivili (Superjuri) fejn il-kawżi pendenti naqsu bi 11% meta mqabbel mas-sena l-oħra, kif ukoll għall-Prim’Awla tal-Qorti Ċivili fejn kien irreġistrat tnaqqis ta’ 4% fl-ammont ta’ kawżi pendenti. |
| “Dawn il-figuri juru li llum il-poplu jista’ | jersaq lejn il-Qorti mingħajr ma jaqta’ qalbu li ser idum ma jingħata l-ġustizzja li jkun qed ifittex. Il-Gvern ser ikompli jintroduċi sistemi u metodi ġodda sabiex il-kunċett li wieħed idum biex jinqeda mill-Qorti jitkisser darba għal dejjem,” temm jgħid il-Ministru. |
Other Press Releases:
PR261990
STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...
PR261989en