Tqassim ta’ ktejjeb għat-tfal dwar l-attivita' fiżika
pr1952
10/11/2009
Introduzzjoni:
| Studji fost it-tfal | urew li f’Malta għandna problema serja ta’ obesità u problema oħra li hemm tfal li jbatu bl-istress. Dwar l-obezità, l-aħħar studju tal-Health Behaviour in School-Aged Children (HBSC) li sar fl-2006 kompla juri li 30% tas-subien u 25% tal-bniet li kellhom 11-il sena għandhom piz żejjed jew għandhom obesità. Din ir-riċerka kienet saret f’41 pajjiż fl-Ewropa u l-Amerika ta’ Fuq. |
| L-istess studju | tal-HBSC wera wkoll li f’Malta hawn 43% tal-bniet ta’ 11-il sena li jħossu stress minħabba l-iskola. Din hija l-ogħla rata (daqs tal-Amerika) fost it-tfal tal-pajjiżi kollha fejn saret ir-riċerka. Fis-subien ir-rata hija inqas (30%) izda xorta waħda hija sinifikanti meta mqabbla mal-medja tal-pajjiżi kollha li hi ta’ madwar 27% fil-bniet u 24% fis-subien. U jekk minn età daqsekk żgħira, it-tfal diġà qegħdin iħossu l-effetti tal-istress, dan jista’ jwassal biex fil-futur jiżviluppaw mard mentali iktar serju. |
| Illum minn | studji xjentifiċi li saru, nafu li minn ta’ l-inqas 60 minuta ta’ attività fiżika kuljum fit-tfal (li tista’ titqassam f’intervalli żgħar matul il-ġurnata) għandha rwol importanti fil-kontroll tal-obesità u l-istress. |
| Hemm diversi modi | kif it-tfal jistgħu jżidu l-attività fil-ġurnata. Is-sistema edukattiva tagħna tista’ tkun mezz biex nindirizzaw parti sostanzjali tan-nuqqas ta’ eżerċizzju li qegħdin jagħmlu t-tfal Maltin. Għalkemm mhux f’kull skola hemm gymnasiums, u grounds kbar, żgur mhux forsi, li f’kull skola hemm xi bitħa mdaqqsa biex it-tfal jilagħbu u probabbli xi sala wkoll għal meta tagħmel ix-xita. |
| Blalen, | hula-hoops, ħbula tal-qbiż, jew xi ġirja wara xulxin, u dak kollu immaġinabbli bi ftit affarijiet sempliċi, jista’ jkun ta’ gost u tant benifiċċju għat-tfal. Hemm ukoll il-lezzjonijiet tal-Physical Education (PE) li jgħinu biex iżidu l-attività fiżika. |
| Il-ġenituri u kull | min qed jieħu ħsieb it-tfal għandhom ukoll rwol importanti x’joffru. Fil-ħin ta’ wara l-iskola, fil-weekends, u waqt il-vaganzi, hemm bżonn li l-ġenituri jerfgħu l-komplament tar-responsabbiltà billi jħallu aktar ħin għall-attività fiżika. |
| Kull forma ta’ | attività fiżika, inkluż l-isport għandha tkun sors ta’ pjaċir għat-tfal u mezz ta’ kif it-tfal jistrieħu mill-problemi u l-istrapazz tal-istudju. |
| L-għan tal-ktejjeb | għat-tfal bl-isem, “Let’s Get Active – Let’s Have Fun” |
| Dan il-ktejjeb mimli | stampi fuq stil comic li għadu kif ġie ppublikat fuq karti rriċiklati, ser jitqassam f’diversi skejjel primarji tal-istat, tal-Knisja u dawk privati wkoll. |
| L-għan ewlieni ta’ | dan il-ktejjeb hu biex nuru lit-tfal li jkunu waslu fl-aħħar sentejn tal-primarja, kemm huwa verament faċli li wieħed ikun attiv kuljum u jibża’ għal saħħtu biex b’hekk meta dawn it-tfal isiru adulti, kemm jista’ jkun, jipprevienu mard taz-zokkor, tal-qalb, kanċer, dipressjoni u mard ieħor relatat ma’ ħxuna żejda. |
| L-istorja ta’ dan | il-ktejjeb tiffoka fuq żewġ karattri li huma aħwa, bl-isem ta’ Michael u Jessica. L-istil ta’ ħajja li huma għażlu bl-għajnuna tal-ġenituri u qraba tagħhom hi maħsuba biex tgħin lill-ġenituri u l-għalliema biex jiggwidaw lit-tfal biex jagħmlu l-aħjar deċizjonijiet għal ħajjithom. |
| Għal aktar | informazzjoni u għal kopji ta’ dan il-comic ġdid, wieħed jista’ jċempel lid-Dipartiment ghall-Promozzjoni tas-Saħħa u Prevenzjoni tal-Mard fuq 2326 6000. |
Stqarrijiet Oħra:
PR261990
STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...
PR261989en