Left arrow Mur Lura

Festival ta' Logħob Tradizzjonali Malti fil-Birgu

pr1951
Date Icon 09/11/2009
Il-Kunsill Lokali tal-Birgu flimkien mal-MużewNazzjonali tal-Etnografija (Il-Palazz tal-Inkwiżitur) fi ħdan Heritage Malta, ser jorganizzaw festival uniku ta' logħob tradizzjonali Malti, nhar il-Ħadd 15 ta' Novembru bejn is-13:00 u s-18:00.
Danil-festival, li ser jinżamm fit-toroq tal-Birgu u fil-Palazz tal-Inkwiżitur, għandu l-għan li jinvolvi lit-tfal kif ukoll lill-ġenituri tagħhom fil-qawmien mill-ġdid ta' logħob li għal ħafna snin ta ħajja lit-toroq tal-bliet u l-irħula tal-gżejjer tagħna. Kif inhu l-każ ukoll għal forom oħra ta’ wirt intanġibbli, il-logħob tradizzjonali qiegħed f’riskju li jintesa mill-ġenerazzjonijiet iż-żgħar li m’għadx għandhom l-opportunità jilagħbuh.  Dan il-festival għaldaqstant għandu l-għan li jippreżenta l-logħob bħala parti integrali mill-identità kulturali Maltija.
Waqtit-tnedija ta’ dan il-festival, l-Onor Chris Said, Segretarju Parlamentari għall-Konsultazzjoni Pubblika u Informazzjoni faħħar l-inizjattiva u l-kollaborazzjoni ta’ bejn Heritage Malta u l-Kunsill Lokali u stqarr li “fit-tiġdid tal-Kunsilli Lokali rajna li l-awtoritajiet lokali għandhom jibdew jaħdmu aktar biex iħarsu l-wirt kulturali u storiku tal-lokalitajiet tagħna. Din l-attività, li qed tibbenefika mill-iskema mnedija mis-Segretarjat Parlamentari għall-attivitajiet kulturali fil-lokalitajiet, qed tiftaħ tieqa fuq il-passat u fl-istess ħin għat-tfal tagħna qed tinfetaħ tieqa fuq dinja li ftit li xejn jafu dwarha.”
L-attività tal-Ħadd wara nofsinhar hi miftuħagħall-familja kollha u dawk li se jattendu mhux se jkunu biss spettaturi imma se jkollhom l-opportunità jaraw sa fejn twassal il-ħila tagħhom fil-Passju u jqiegħdu għall-prova l-preċiżjoni tal-mira tagħhom fil-Boċċi u l-Ballun Stop.  Jistgħu jagħżlu li jiġru wara t-team rivali fil-Gwerra Franċiża, jagħmlu l-almu tagħhom biex jaqbdu maktur qabel ma jagħmel dan l-avversarju tagħhom fil-Logħba tal-Maktur, jippruvaw mill-aħjar biex ma jinqabdux f’Ħarba jew jiġru wara ż-żunżana f’Iż-Żunżana Ddur Iddur.  Dawk li jippreferu xi ħaġa li tirrikjedi inqas eżerċizzju fiżiku jistgħu jilagħbu Ħaġa Moħġaġa, Dawra Durella jew Bum Bum il-Bieb, filwaqt li oħrajn jistgħu jiddeċiedu li jattendu sessjoni prattika fejn wieħed jista’ jibni tajra, jew manoċċa kif inhi magħrufa fiż-Żejtun, u mbagħad wara itajjarha.
Il-maġġoranza kbira tal-logħob imsemmi kienfil-quċċata tal-popolarità tiegħu fil-perjodu Ingliż meta ħafna familji ma setgħux jixtru ġugarelli lussużi u ġeneralment it-toroq ma kellhomx traffiku.  Xi logħob partikolari kien jirrifletti wkoll il-kuntest soċjopolitiku taż-żmien u kien jirrapreżenta dak li kien ikun mistenni mit-tfal ladarba dawn jikbru.  Madankollu, it-tfal ma kienux l-uniċi li kien ikollhom bżonn tad-divertiment; l-irġiel kienu jistennew bil-ħerqa logħba tal-Boċċi ma’ sħabhom wara ġimgħa xogħol.  Il-Boċċi li l-oriġini tagħha probabbli tmur lura għal żmien il-Kavallieri, tinvolvi li wieħed jipprova jersaq l-iktar viċin tal-likk u li jżomm lill-avversarji tiegħu milli jagħmlu hekk.
Bħala parti minn dan l-isforz biex terġa’tqajjem il-logħob tradizzjonali, Heritage Malta, fi ħdan il-Palazz tal-Inkwiżitur, qed torganizza wkoll wirja temporanja ta’ mudelli ta’ altari u għamara tal-knejjes li għal ġenerazzjonijiet servew ta’ ġugarelli għal bosta subien.  Dawk li jattendu l-festival ikollhom ukoll l-opportunità li jippreżentaw il-ġugarelli li għandhom fil-pussess tagħhom u li huma ta’ qabel l-1980 bħala donazzjonijiet lill-kollezzjoni nazzjonali.  Min jagħti donazzjoni jingħata rċevuta uffiċjali mit-team kuratorjali tal-Palazz tal-Inkwiżitur.
Dawkkollha li se jipparteċipaw f’dan il-festival se titqassmilhom pubblikazzjoni interessanti bi spjega ta’ kull logħba kif kienet tintlagħab.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT  Over 200 students express their vision of the construction sector through art

PR261989en

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT ...

Aktar Stqarrijiet Right arrow