ESTENSJONI TAL-ISKEMA TAL-BOZOZ ENERGY SAVING B’XEJN
pr1859
28/10/2009
| Il-Ministeru għar-Riżorsi u l-Affarijiet Rurali | javża li l-Iskema biex tinkoraġġixxi l-użu domestiku ta’ Compact Fluorescent Lamps (bozoz energy saving - CFLs) se tkun estiża sat-30 ta’ Novembru 2009. L-iskema kellha tagħlaq nhar is-Sibt 31 ta’ Ottubru 2009. |
| L-estensjoni għandha tagħmel tajjeb għal dak | il-perjodu li fih l-Iskema kienet sospiża minħabba numru ta’ azzjonijiet legali li kienu għaddejjin fil-Qrati ta’ Malta, liema azzjonijiet kienu twaqqfu wara ftehim milħuq bejn l-importaturi kkonċernati wara medjazzjoni mill-Awtorità ta’ Malta dwar ir-Riżorsi (MRA). |
Il-Ministeru jirringrazzja lil dawk kollha li sa’ issa pparteċipaw f’din l-iskema u jħeġġeġ lil dawk li għadhom ma sarrfux il-voucher biex jagħmlu dan fil-jiem li ġejjin. Intant fl-aħħar jiem intbagħtu l-vouchers lil min għal xi raġuni ma kienx irċevihom jew lil min irċieva allokazzjoni ta’ lampi inqas minn dak li kien eliġibbli għalihom. F’każ ta’ diffikultà wieħed għandu jċempel fuq il-freephone 8007 2212 jew jibgħat e-mail fuq energyswitch@gov.mt
Stqarrijiet Oħra:
PR261990
STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...
PR261989en