STQARRIJA TAL-KUMITAT PERMANENTI DWAR L-AFFARIJIET SOĊJALI TAL-PARLAMENT
| Il-Kumitat Parlamentari dwar | l-Affarijiet Soċjali japprova it-tielet dokument tal-11-il Leġislatura – Aġġornament tal-Aħħar Tagħlim Etiku u Morali fuq il-Prokreazzjoni Assistita – Evalwazzjoni tar-Rapport tal-10 Leġislatura. |
| Wara r-rapport komprensiv ippublikat | mill-Kumitat Parlamentari dwar l-Affarijiet Soċjali tal-10 Leġislatura f’Ġunju tal-2005 intitolat ‘L-Użu tal-Bijoteknoloġija: Teknoloġija Ġenetika u Prokreazzjoni Assistita’, il-Kumitat tal-11-il Leġislatura qabel li jaġġorna l-għarfien tiegħu dwar l-aħħar tagħlim etiku u morali fuq il-prokreazzjoni assistita. Il-Membri ddeċidew li jagħtu attenzjoni lid-dokument ‘Dignitas Personae’, pubblikat f’Diċembru tal-2008 mill-Kongregazzjoni tad-Duttrina tal-Fidi tal-Vatikan. |
Għaldaqstant, ġie mistieden ir-Rev. Prof. Emanuel Agius, Dekan tal-Fakultà tat-Teoloġija, għalliem tal-Etika Filosofika u t-Teoloġija Morali. Huwa wkoll membru fil-Kumitat Nazzjonali tal-Bijoetika u fil-European Group of Ethics in Science and New Technologies li jaqa’ direttament taħt il-President Barroso.
Rev. Agius identifika tliet proposti li d-dokument tal-10 Leġislatura jħallihom miftuħin għad-diskussjoni u għal aktar stħarriġ, kemm tal-esperti u anke tal-opinjoni pubblika. Dawn jinkludu:
- Liema koppji ser ikunu eliġibbli għas-servizzi tal-prokreazzjoni assistita;
- L-iffriżar tal-embrijuni; u
- Id-donazzjoni ta’ gameti minn terzi persuni.
Dan ir-rapport tal-11-il Leġislatura għaldaqstant ġie maħsub biex jgħin il-politiku jagħraf aħjar ir-responsabiltà tad-deċizjonijiet tiegħu marbuta mal-prinċipji ta’ moralità kif imressqa lill-Kumitat mir-Rev Prof Agius. Il-mistoqsijiet li jrid ikompli jistaqsi l-politiku f’din id-diskussjoni jitfgħu responsabiltà fuqu sabiex jieħu deċiżjoni li tkun ibbażata fuq il-ġid komuni, il-valur tal-bniedem, tal-familja u ż-żwieġ.
Dan ir-rapport hu aċċessibbli minn fuq il-websajt tal-Parlament www.parliament.gov.mt fis-sezzjoni Kumitat Permanenti dwar l-Affarijiet Soċjali.
Din il-laqgħa tal-Kumitat tmexxiet mill-President tal-Kumitat dwar l-Affarijiet Soċjali, l-Onor Edwin Vassallo u pparteċipaw fid-diskussjoni l-Onor Francis Agius, l-Onor Frederick Azzopardi, l-Onor Justyne Caruana, l-Onor Michael Farrugia, l-Onor Michael Gonzi, l-Onor Stephen Spiteri u l-Onor Anthony Zammit.
Stqarrijiet Oħra:
PR261990
STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...
PR261989en