Stedina għal diskussjoni u mhux konfrontazzjoni
pr1820
21/10/2009
| Il-Ministru | tal-Edukazzjoni, Kultura, Żgħażagħ u Sport, Dolores Cristina, kategorikament tiċħad li b’xi mod użat xi attitudni konfrontazzjonali jew arroganti lejn il-Union tal-Għalliema jew xi uffiċjali minn tagħha. |
| F’telefonata dalgħodu li saret waqt li l-Ministru | Cristina kienet f’laqgħa ma’ numru ta’ nies fl-Istitut tal-MCAST fin-Naxxar, il-President tal-MUT informa lill-Ministru li hu u uffiċjali oħra tal-Union kienu mwaqqfa milli jidħlu fl-iskola tal-Mosta biex jaraw xi klassijiet tal-Kindergarten peress li kien hemm ilmenti dwar il-kobor tagħhom. Il-Ministru staqsiet jekk kinetx prassi li l-Union tidħol mingħajr ma jingħata preavviż lill-Awtoritajiet Edukattivi u waqt il-ħinijiet tal-lezzjonijiet bir-riżultat li jkun hemm tfixkil fix-xogħol għaddej fil-klassijiet. |
| Peress | li l-Ministru ma kellhiex il-fatti ta’ dak li seħħ quddiemha u peress li ċ-ċirkostanzi għal diskussjonijiet fuq it-telefon ma kinux idonei, il-Ministru ssuġġeriet li l-Union u l-Ministeru jitkellmu dwar dan f’laqgħa li hi stess talbet il-bieraħ mal-Union għal nhar il-Ġimgħa fl-erbgħa ta’ wara nofsinhar biex iż-żewġ naħat iħarsu lejn issues pendenti. |
| Il-Ministru | tagħmilha ċara li bl-ebda mod m’hemm xi intenzjoni li l-Union ma titħalliex tidħol fl-iskejjel tagħna. Madanakollu hi tal-fehma li għandu jkun hemm policy ċara li tirrispetta l-ħidma li tkun għaddejja fl-iskola u li b’ebda mod ma toħloq interruzzjonijiet fix-xogħol għaddej. |
| L-MUT | taf tajjeb li l-Ministru Cristina dejjem kienet disposta li tiddiskuti mal-Union dwar kwalunkwe materja li riedet tqajjem il-Union. Aktar minn dan, l-MUT taf tajjeb ukoll li l-Ministru dejjem uriet l-impenn sħiħ tagħha sabiex jiġu ndirizzati l-kwistjonijiet kollha li setgħu inqalgħu minn żmien għal żmien. Għaldaqstant, il-Ministru terġa tistieden lill-Union sabiex tattendi għall-laqgħa tal-Ġimgħa fil-Ministeru fl-erbgħa ta’ wara nofsinhar. |
Stqarrijiet Oħra:
PR261990
STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...
PR261989en