Left arrow Go Back

JITNIEDA PROĊESS TA’ KONSULTAZZJONI LOKALI FIŻ-ŻONA TAL-MAJJISTRAL B’FONDI MILL-PROGRAMM LEADER

pr1815
Date Icon 21/10/2009
Mil-lum, 13-il kunsill lokali fil-Majjistralta’ Malta li jiffurmaw parti mill-‘Majjistral Local Action Group’ se jibdew jiltaqgħu mar-residenti tagħhom biex jiddiskutu ideat għal inizjattivi rurali li se jiġu mwettqa permezz ta’ fondi mill-programm tal-Unjoni Ewropea Leader. B’kollox se jkun hemm 13-il sezzjoni ta’ konsultazzjoni lokali mal-pubbliku u l-ewwel laqgħa tibda llejla f’Ħal Lija fis-6.30pm fis-sala tal-Kunsill Lokali. Ir-residenti stess se jkunu qed jidentifikaw x’jixtiequ jaraw fil-lokalità tagħhom.
L-għan tal-inizjattiva Leader huwa li jtejjebl-iżvilupp sostenibbli rurali. Din l-inizjattiva tiffoka billi tgħaqqad flimkien is-settur pubbliku mas-settur privat, operaturi fil-qasam tal-agrikoltura, operaturi fit-turiżmu, kif ukoll NGOs.
Tliet Local Action Groups ġew iffurmati biexjilħqu l-maġġoranza rurali ta’ Malta u Għawdex. Dawn huma l-Grupp ta’ Azzjoni Għawdex, dak tal-Majjistral u dak tax-Xlokk, li bejniethom jiġbru taħt il-kappa tagħhom 40 lokalità rurali. Kull Local Action Group ingħata €90,000 biex ifassal strateġija għall-iżvilupp lokali.
Chris Said, Segretarju Parlamentarigħall-Konsultazzjoni Pubblika u Informazzjoni stqarr li l-aħjar azzjonijiet fil-lokalitajiet se jkunu qed jiġu identifikati permezz tal-laqgħat ta’ konsultazzjoni biex tinġabar l-informazzjoni meħtieġa. ”Permezz ta’ din il-konsultazzjoni se jkunu qed jinstabu soluzzjonijiet xierqa għall-problemi tat-territorju minn dawk l-iktar involuti – jiġifieri r-residenti. L-aħjar suġġerimenti u ideat ser jidħlu fl-istrateġija ta’ żvilupp lokali li se tindika t-tip ta’ azzjonijiet li se jkunu qed jiġu implimentati, kif ukoll iż-żminijiet stipulati għat-twettiq tagħhom. Ghalhekk il-konsultazzjoni ser isservi ta’ bażi għall-iżvilupp ta’ din l-istrateġija fil-lokalitajiet rurali”, qal is-Segretarju Parlamentari.
Il-konsultazzjoni fi-żona tal-Majjistral setiffoka fuq il-bżonnijiet speċifiċi fit-13 il-lokalità li jikkaratterizzaw l-ekonomija rurali – l-agrikoltura, ir-turiżmu, l-intrapriżi żgħar u medji (SMEs) u l-NGOs. F’Għawdex il-konsultazzjoni ntemmet il-bieraħ f’Kerċem, filwaqt li fiż-żona tax-Xlokk din il-konsultazzjoni għaddejja bħalissa. L-istrateġiji tat-tliet Local Action Groups għandhom ikunu mfassla sal-aħħar ta’ Diċembru.
It-tip ta’ inizjattivi li se jkunu kopertipermezz ta’ fondi mill-Programm Leader jinkludu inizjattivi fl-agrikoltura, fil-marketing, taħriġ u studju, kif ukoll investimenti kapitali fuq proġetti pjanati speċifikament għat-territorju u li ma jistgħux jiġu finanzjati minn fondi oħra. Għal dawn l-inizjattivi b’kollox hemm allokati kważi €4 miljun fuq medda ta’ 3 snin speċifikament għad-dispożizzjoni tat-tliet gruppi ta’ azzjoni, u li se jgħinu biex joħolqu differenza fiż-żoni rurali, kompla jgħid Chris Said.
Is-Sindku ta’ Ħal Lija, Ian Castaldi Paris,li qed imexxi l-grupp ta’ azzjoni tal-Majjistral stqarr li fil-ġimgħat li ġejjin ser jitqassmu fuljetti bl-informazzjoni dwar il-kunċett ta’ Leader u dwar fejn ser isiru l-laqghat ta’ konsultazzjoni.
Il-Kunsilli Lokali msieħba tal-Majjistralhuma Ħal-Lija, Ħ’Attard, il-Għargħur, in-Naxxar, San Pawl il-Baħar, il-Mellieħa, l-iMġarr, l-Iklin, ir-Rabat, Ħad-Dingli, is-Siġġiewi, Mdina u Mtarfa.

Aktar tagħrif jinsab fuq il-website: www.leadermajjistral.eu

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT  Over 200 students express their vision of the construction sector through art

PR261989en

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT ...

More Press Releases Right arrow