Left arrow Go Back

STQARRIJA MILL-MINISTERU TAL-EDUKAZZJONI, KULTURA, ŻGĦAŻAGĦ U SPORT

pr1811
Date Icon 20/10/2009
APPOSTA JEW GĦAX MAJAFX??
Meta mqabbla mal-pajjiżimembri l-oħra tal-Unjoni Ewropea, Malta kellha l-aktar rata mgħaġġla ta’ żjieda fl-istudenti li baqgħu jistudjaw wara l-eta’ obbligatorja.  Fil-fatt filwaqt li fl-1994 kien hemm 5,471 student li baqgħu jistudjaw wara l-eta’ obbligaorja, sal-2008 dan in-numru tela’ għal 11,874. Dan sforz tal-investiment qawwi li l-Gvern għamel fil-qasam edukattiv f’dawn l-aħħar snin.
Il-Kap ta’ l-OppożizzjoniDr. Joseph Muscat ma jistax ma japprezzax il-progress enormi li twettaq matul dawn l-aħħar 20 sena fil-qasam edukattiv.  Dan b’riżultat tal-impenn u l-investiment qawwi tal-Gvern kif ukoll bir-riformi li saru u qed ikomplu jsiru f’kull qasam tal-edukazzjoni.
Wieħed irid iħareslejn x’ġara fl-Universita’, fl-MCAST, fil-Junior College, fil-Higher Secondary School kif ukoll fis-Sixth Forms tal-Istat, tal-Knisja u Indipendenti u fl-għadd ta’ istituzzjonijiet edukattivi privati,  biex jara l-firxa kbira ta’ opportunitajiet li għandhom iż-żgħażagħ illum, biex jagħżlu kors ta’ edukazzjoni u  taħriġ skont l-abbilta’ u l-aspirazzjonijiet tagħhom.  Altru milli l-Gvern għamel u qed ikompli jagħmel minn kollox biex iż-żgħażagħ tagħna jkomplu jistudjaw.
Il-Kap ta’ l-Oppożizzjonijrid jara l-isplużjoni fl-għadd ta’ student fl-Universita’ mis-snin tmenin għal-lum.  Minn 800 student fl-1987 fi żmien Gvern Laburista,  għal 7,267 student jagħmlu korsijiet full time u 2,163 oħra f’korsijiet part-time sas-sena l-oħra.  Biżżejjed josserva l-Kap ta’ l-Oppożizzjoni, li matul dawn l-aħħar 20 sena, l-universita’ weħidha, tat lill-pajjiż madwar 35,000 gradwat.
Wieħed isibhadifficli jqabbel amministrazzjoni Laburista ma’ amministrazzjoni Nazzjonalista fil-qasam edukattiv.   L-MCAST li Gvern Laburista kien għalaq u reġa nfetaħ mill-Gvern preżenti tmien snin ilu, ġieb miegħu bidla u qabża kbira fil-qasam tal-edukazzjoni u taħriġ; u qed joffri għażla kbira ta’ korsijiet f’livelli differenti biex kull żagħżugħ u żagħżugħa jkunu jistgħu jkomplu jistudjaw.
Minn madwar 1,500student fl-2001, l-MCAST illum jaqbeż il-5,000 student, b’żjieda kbira fl-istudenti li qed isegwu korsijiet f’livelli għoljin, biex issa qed joffri wkoll korsijiet f’livell ta’ degree.  Il-progress li sar fl-MCAST jitqabbel tajjeb ħafna ma’ istituzzjonijiet simili fl-Ewropa u permezz ta’ dan l-iżvilupp, Malta qed jirnexxilha tidħol anke f’oqsma ta’ teknoloġija li qabel ma kellniex esperjenza fiha.   Fl-istess ħin, l-MCAST  baqa’ joffri korsijiet f’livelli aktar bażiċi u fi snajja tradizzjonali biex ħadd m’għandu għalfejn jibqa’ barra.
Barra minn dawn, dinis-sena fil-Junior College hemm 3,286 student, filwaqt li fil-Giovanni Curmi Higher Secondary School hemm 1,364 student ieħor.
L-impatt taż-żjiedaqawwija tal-istudenti fil-livelli post-sekondarji jkompli jinħass aktar ma jgħaddi ż-żmien.  Din iż-żjieda ma setgħetx tintlaħaq li kieku matul dawn l-aħħar snin ma tjiebitx il-kwalita’ tal-edukazzjoni f’kull livell, mill-kindergarten, primarja u sekondarja flimkien mas-servizzi ta’ support li qegħdin jissaħħu.
Iżda dankollu il-Kap ta’ l-Oppożizzjoni ma jsemmiħx.  Apposta jew għax ma jafx x’inhu jiġri fil-qasam edukattiv?
Qatt daqsillum ma kien hemm skemi ta’ Boroż ta’ Studju miftuħin għaż-żgħażagħ u l-adulti tagħna. Qatt daqs illum ma kien hemm mijiet ta’ student li qegħdin jistudjaw barra mill-pajjiż jew fl-Universita’ tagħna stess fil-livell ta’ Masters u Dottorat.
Il-Kap ta’ l-Oppozizzjonijidher li mhux konxju li n-nuqqas serju ħafna fil-kultura tal-edukazzjoni u taħriġ fi żmien amministrazzjonijijet laburisti għadu jinhass anke llum, minħabba li l-istess ġenituri li ma ngħatawx opportunita’ għal studju u taħriġ avvanzati fi żmien gvernijiet Laburisti, aktarx li llum ma japprezzawx biżżejjed il-ħtieġa li wliedhom ikomplu jistudjaw.
Il-Gvern hudeterminat, kommess u lest ikompli jinvesti bil-qawwi biex il-mira li jrid iwettaq, li sal-2015 Malta jkollha 85% tal-istudenti li jkomplu jistudjaw wara l-edukazzjoni obbligatorja. L-opportunitajiet diġa’ qegħdin hemm biex ħadd ma jibqa’ barra.  Wieħed irid jinnota li ż-żjieda fl-għadd ta’ studenti li jkomplu jistudjaw tiġi riflessa fl-istatistika snin wara minħabba l-mod kif tinġabar mill-Unjoni Ewropea.
B’din il-mira f’moħħu,il-Gvern nieda s-sistema tal-Kulleġġi u qed jagħti prijorita’ lit-Tranżizzjoni mill-Primarja għas-Sekondarja, li se titħabbar dalwaqt; billi s-sistema attwali hi waħda mill-kawżi ewlenin li studenti qed jitilqu mill-iskola kmieni.  Il-Ministeru tal-Edukazzjoni qed isaħħaħ ukoll is-servizz ta’ gwida lill-istudenti biex ikompli jimmotiva aktar studenti li jibqgħu jistudjaw.
F’qasir zmien sejrinnaraw ir-riforma fl-iskejjel speċjali biex l-istudenti taghna f’dawn l-iskejjel ikollhom l-aqwa edukazzjoni possibbli.
F’Novembru li ġej,il-Kummissjoni Nazzjonali għall-Edukazzjoni Għolja se xxandar gwida informattiva għal dawk li jinsabu fil-ħames sena sekondarja, biex jinfurmahom b’dak kollu li jeżisti fil-qasam tal-edukazzjoni għolja u s-servizzi u skemi ta’ appoġġ li jeżistu, biex ikunu jistgħu jagħmlu l-għazliet tagħhom biex ikompli jistudjaw.
Ta’ min ifakkar lidin m’hix l-ewwel darba li l-Kap ta’ l-Oppozizzjoni Joseph Muscat tkellem dwar il-qasam tal-Edukazzjoni u wera li ma jafx x’inhu jiġri f’dan il-qasam.  F’Marzu ta’ din is-sena, kien tkellem dwar l-istudji b’rabta mal-ħiliet fix-xjenza u l-matematika; u akkuza lill-Gvern li ma ppubblikax dawn ir-riżultati, meta fil-fatt il-Kelliem ta’ l-Oppożizzjoni dwar l-Edukazzjoni Evarist Bartolo, li kien bil-qegħda ħdejh meta qal dan, kien jaf li dawn kienu pubblikati, tant li kien kiteb dwarhom fil-gazzetta.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-EDUKAZZJONI U L-ISPORT  “L-intelliġenza artifiċjali għandha tkun għodda mħaddma tajjeb, filwaqt li qatt ma tista’ tieħu r-rwol fundamentali tal-edukaturi” – Il-Ministru Byron Camilleri fi Brussell

PR261990

STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT  Over 200 students express their vision of the construction sector through art

PR261989en

PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT ...

More Press Releases Right arrow