L-UNIVERSITÁ GĦAT-TIELET ETA’ F’GĦAWDEX
pr1801
19/10/2009
| Għadu kif ingħata bidu għal kors ieħor | tal-U3E f’Għawdex. Dan il-kors huwa mmirat għal persuni rġiel u nisa li għandhom sittin sena jew aktar u qed jiġi kkordinat għal ħdax-il sena konsekuttiva fuq inizjattiva tal-Ministeru għal Għawdex. |
| Matul dawn is-snin l-attendenza varjat minn | 35 sa ‘l fuq minn 40 persuna kull sena. Għas-sena akkademika 2009-2010, ġew milqugħa 43 applikazzjoni minn persuni Għawdxin li huma nteressati li jattendu dan il-kors. |
| Il-lezzjonijiet jiġu organizzati kull nhar ta’ | Ġimgħa fiċ-Ċentru ta’ Matul il-Jum għall-Anzjani f’Għajnsielem u darba kull erba’ ġimgħat il-lezzjonijiet isiru fil-Campus tal-Università f’Għawdex. Il-kors jinqasam f’żewġ semestri, bis-suġġetti matul l-ewwel semstru ta’ din is-sena jiffukaw fuq in-nutrizzjoni u l-iġjene marbuta ma’ l-ikel. Esperti mill-oqsma relatati jiġu mistiedna biex jitkellmu fuq it-temi magħżula filwaqt li matul il-kors jiġu organizzati wkoll laqgħat soċjali għall-grupp li jkun qed jattendi. |
| Dan il-kors qed jiġi koordinat mis-Sezzjoni | għall-Anzjani u Bżonnijiet Speċjali fid-Dipartiment tal-Customer Services fi ħdan il-Ministeru għal Għawdex. Din is-sezzjoni tikkoordina wkoll għajnuna lill-anzjani fid-djar tagħhom, is-servizzi tal-meals-on-wheels u l-handyman, kif ukoll l-attivitajiet fiċ-ċentru ta’ matul il-jum. Dawn is-servizzi jiffaċilitaw il-ħajja għal bosta anzjani Għawdxin biex ikunu jistgħu jkomplu jgħixu ħajja normali fi ħdan il-komunità tagħhom. |
| Il-Ministru għal Għawdex, l-Onor Giovanna | Debono, attendiet għall-ewwel sessjoni ta’ din is-sena fejn ġiet iċċelebrata Quddiesa mill-Arċipriet tal-Qala, Mons. Joseph Zammit u wara saret laqgħa ta’ introduzzjoni għal dawk li ser jibdew il-kors ta’ din is-sena. Il-Ministru esprimiet is-sodisfazzjon għall-parteċipazzjoni inkoraġġanti li kien hemm għal dan il-kors matul is-snin, u sostniet l-impenn tal-Ministeru għal Għawdex biex jibqa’ jipprovdi servizzi u faċilitajiet li jippromwovu edukazzjoni u stil ta’ hajja b’saħħitha għal matul il-ħajja. |
| Aktar informazzjoni tista’ tinkiseb mill-Uffiċċju | tal-Kura ta’ l-Anzjani fi ħdan il-Ministeru għal Għawdex fuq numri: 21563043, 21557661 u 21565248. |
Stqarrijiet Oħra:
PR261990
STQARRIJA MILL-MINISTERU GĦALL-EDUKAZZJONI U L-ISPORT “L-intelliġenza arti...
PR261989en