IL-KUMMISSJONI TFAĦĦAR LIL MALTA GĦALL-INĊENTIVI MOGĦTIJA WAQT IL-KRIŻI EKONOMIKA U FINANZJARJA U GĦALL-INVESTIMENT TAGĦHA FL-INFRASTRUTTURA
pr1724
08/10/2009
| F’rapport ippreżentat lill-istituzzjonijiet | Ewropej dwar iż-żona ewro, il-Kummissjoni Ewropea qalet li Malta kellha wieħed mill-aktar pakketti ta’ stimolu fiskali b’saħħithom fost il-bqija tal-membri bl-għan li tilqa’ għall-kriżi finanzjarja u ekonomika internazzjonali. Filfatt, ir-rapport jgħid li l-akbar pakketti ta’ inċentivi ngħataw minn Spanja (2.3% tal-PGD), l-Awstrija (1.8%), Finlandja (1.7%) u Malta 1.6%. Ir-rapport jinnota li xi Stati Membri ma taw l-ebda kontribuzzjoni fil-pjan ta’ rkupru ekonomiku minħabba li l-finanzi tagħhom ma tawhom ebda spazju. Għall-kuntrarju, il-fatt li pajjiżna fis-snin ta’ qabel ħadem biex ikollu finanzi fis-sod ippermettilu jkun f’din il-pożizzjoni li jappoġġja l-ekonomija, billi fost l-oħrajn intervjena fis-setturi tat-turiżmu u l-manifattura, għajnuna li wasslet biex l-impatt fuq pajjiżna kien ferm anqas aħrax milli f’pajjiżi oħra. |
| Il-Kummissjoni faħħret l-isforzi tal-Gvern | Malti biex is-sistema fiskali u tal-benefiċċji soċjali tkun waħda li tinċentiva lin-nies biex jaħdmu. Aktar minn hekk, ir-rapport jgħid li filwaqt li numru ta’ pajjiżi ħadu miżuri li jidhru bħala temporanji, hija identifikat lill-Malta bħala wieħed minn żewġ pajjiżi biss, bħall-Finlandja, fejn kien hemm tnaqqis tal-pressjoni fiskali speċjalment għal dawk bi dħul baxx. Punt ieħor pożittiv li fuqu saħqet il-Kummissjoni kien l-inċentivi mmirati biex jappoġġjaw lin-nisa li jixtiequ jidħlu fid-dinja tax-xogħol li l-Gvern implimenta fl-aħħar xhur. |
| Fir-rigward tal-investiment, ir-rapport | jinnota li prattikament l-Istati Membri kollha ħabbru miżuri intenzjonati biex iżidu sostanzjalment l-investiment fl-infrastruttura fiżika tal-pajjiż, għalkemm is-saħħa ta’ dan ivarja bejn l-Istati Membri. Għal darb’oħra, il-Kummissjoni tinnota li kienu sitt pajjiżi, fosthom Malta, li investew l-aktar f’dan is-sens. |
| Ir-rapport innota li fiż-żona ewro kien hemm | żieda ġenerali fin-nefqa tal-Gvernijiet Ewropej, minn 46.1% tal-PGD għal 46.6 fl-2008. Ir-rapport jinnota li fil-każ ta’ Malta, in-nefqa akbar milli kien mistenni kienet dovuta fil-parti l-kbira għan-nefqa marbuta mat-Tarzna, fejn bl-iskemi ta’ rtirar minn kmieni, il-Gvern għamel it-Tarzna aktar attraenti fit-tnedija tal-proċess ta’ privatizzazzjoni. |
| B’reazzjoni għal dan ir-rapport, il-Ministru | tal-Finanzi, l-Ekonomija u Investiment Tonio Fenech esprima s-sodisdazzjon tiegħu għall-konklużjonijiet tal-Kummissjoni Ewropea: “Il-mira ewlenija tagħna kienet li nsalvaw l-impjiegi u li nimbuttaw l-ekonomija biex din tibqa’ għaddejja f’mumenti fejn bosta ekonomija madwarna kienu qed jikkrollaw. Huwa ta’ sodisfazzjon li l-Kummissjoni Ewropea indikat lilna bħala fost l-aktar pajjiżi li investejna l-aktar biex nilqgħu għal dawn l-isfidi. Naturalment, ma konniex inkunu nistgħu nagħmlu dan kieku fis-snin ta’ qabel ma sħaqnix fuq l-importanza tal-finanzi fis-sod.” Bl-inizjattivi li ttieħdu l-Gvern salva 2,500 impjieg u kompla ħoloq ambjent ekonomiku biex jinħolqu aktar opportunajiet ġodda ta’ xogħol għaż-żgħażagħ, għall-ħaddiema, għal min tilef ix-xogħol u għal min ried jidħol f’impjieg ġdid. Tonio Fenech qal li l-kummenti tal-Kummissjoni fil-qasam tal-inċentivi favur ix-xogħol jagħtu ġieħ lill-ħidma tal-Gvern li poġġa x-xogħol fuq quddiemnett tal-aġenda tiegħu u sostna li x-xogħol, l-edukazzjoni, l-investiment u l-koeżjoni soċjali se jkunu l-prioritajiet tal-Gvern għall-baġit li jmiss. |
Other Press Releases:
PR261989en
PRESS RELEASE BY THE MINISTRY FOR INFRASTRUCTURE, PLANNING AND EMPLOYMENT ...
PR261989