STQARRIJA KONĠUNTA MILL-MINISTERU TAL-EDUKAZZJONI U S-SEGRETARJAT PARLAMENTARI GĦAS-SAĦĦA
pr1486
09/09/2009
| Deputati ta’ | l-Oppozizzjoni jattakkaw l-Universita’ u l-Qasam tas-Saħħa |
| Il-Ministeru tal-Edukazzjoni, Kultura, Żgħażagħ | u Sport u s-Segretarjat Parlamentari għas-Saħħa jinnota l-attakk li għamlu d-Deputati ta’ l-Oppozizzjoni Evarist Bartolo u Michael Farrugia fuq l-Universita’ u fuq is-servizzi tas-saħħa. |
| Il-Gvern jassigura li l-intervisti li se jsiru | mill-Universita’ lill-“mature students” li applikaw biex jidħlu għall-korsijiet li jwasslu għall-professjoni ta’ infermiera se jsiru kif hu xieraq u b’ġustizzja u jkunu bażati fuq il-kwalifiki u l-kompetenzi tal-kandidati. L-intervisti se jsiru bl-istess mod serju li dejjem saru u għalhekk hu ta’ għajb li d-deputati laburisti fil-ġranet ta’ qabel mal-mature students se jkunu eżaminati mill-Universita’ jippruvaw idaħħlu dubju billi jallegaw affarijiet infondati. |
| Il-Gvern u l-Universita’ diġa’ ddikjaraw li | l-kandidati applikanti kollha eliġibbli li kisbu l-kwalifiki meħtieġa sal-31 ta’ Awissu jkunu jistgħu jagħmlu l-kors fil-B.Sc Nursing jew kors li jwassal għal Diploma u s’issa diġa’ kienu aċċettati 165 student biex jibdew dawn il-korsijiet. Dan ifisser li mill-medja ta’ 90 student li kienu jidħlu fl-aħħar snin, diġa’ hemm żieda għal 165 student u studenta li se jkomplu dawn il-korsijiet. |
| Biex seta’ sar dan u biex ikunu aċċettati aktar | studenti bil-kwalifiċi minn dawk li se jkunu intervistati fil-jiem li ġejjin, l-universita’ kellha tirristruttura t-time tables ta’ dawn il-korsijiet. |
| Il-Gvern diġa qal li dawn il-korsijiet se jkunu | tal-livell neċessarju u mhux lest jikkomprometti l-livell u l-kwalita’ tal-kors li jiddependi wkoll mis-sodod disponibbli fl-isptar għal dan it-taħriġ. |
| Jekk ikun il-każ, il-Gvern lest ukoll | jikkunsidra l-possibbilta’ li studenti eliġibbli jintbagħtu jagħmlu “placements” kliniċi fi sptarijiet magħrufa barra minn Malta. |
| Barra minn dan qed tkun studjata l-possibilta’ | li l-universita tintroduċi korsijiet part-time fin-nursing biex tkun tista’ tilqa’ u tħarreġ aktar studenti f’din il-professjoni. |
| B’konnessjoni ma’ dan is-suġġett, fil-jiem li | ġejjin, il-Ministru Dolores Cristina u s-Segretarju Parlamentari għas-Saħħa Joe Cassar se jkollhom laqgħa mas-Sur Paul Pace, President tal-MUMN. |
| Il-Gvern jinnota n-nuqqas ta’ apprezzament li | l-Oppożizzjoni qed turi lejn il-qasam tas-saħħa u dawk li jaħdmu f’dan is-settur billi teżaġera l-affarijiet fi sforz partiġġjan biex tkisser il-fiduċja tal-pazjenti fil-professjonisti u fil-qasam tas-saħħa. |
| Is-sena li għaddiet fl-Isptar Mater Dei saru | aktar minn 35,000 operazzjoni. Dan ifisser li qed isiru medja ta’ 250 operazzjoni aktar fix-xahar milli kienu jsiru fl-Isptar San Luqa. Il-Gvern japprezza l-ħidma siewja li qed jagħmlu dawk kollha nvoluti fil-qasam tas-saħħa għall-ġid tal-pazjenti. |
Stqarrijiet Oħra:
PR261987
STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...
PR261986en