IS-SEGRETARJU PARLAMENTARI GĦAŻ-ŻGĦAŻAGĦ U SPORT, CLYDE PULI JINDIRIZZA KONFERENZA TAL-AĦBARIJIET WAQT IT-TĦABBIR TAL-PROGRAMM TAR-REGATTA NAZZJONALI LI SER TINŻAMM NHAR IT-TLIETA 8 TA’ SETTEMBRU
pr1471
04/09/2009
| “Mis-sena d-dieħla r-Regatta Nazzjonali se tibda | tkun amministrata mill-Kunsill Malti għall-Isport u mhux aktar mill-Kumitat Festi Nazzjonali”. |
| Dan | ħabbru s-Segretarju Parlamentari għaż-Żghażagħ u Sport Clyde Puli waqt li kien qed jindirizza konferenza tal-aħbarijiet fejn ingħataw dettalji dwar ir-regatta ta’ Jum il-Vitorja. |
| Clyde Puli fisser kif ir-regatta hija avveniment | kulturali li għandu rabta mat-tradizzjoni u l-istorja ta’ pajjiżna. Għaldaqstant sostna li għandna nkomplu ninsistu biex din it-tradizzjoni ma tintilifx anzi tkompli tkun inkoraġġuta. |
| Filwaqt li faħħar il-kontribut ta’ Melita | fil-qasam tal-isport lokali, Clyde Puli appella lill-media biex tkompli twassal messaġġ pożittiv favur l-isport lokali. Hu spjega li hu permezz tal-media li l-poplu jista’ jirrikonoxxi l-parteċipazzjoni u s-sagrifiċċji ta’ sportivi Maltin. |
| Finalment Clyde Puli awgura lill-parteċipanti | kollha li se jieħdu sehem f’din l-edizzjoni u appella biex jirrenja l-elementi ta’ sportività. |
| Fil-konferneza tal-aħbarijiet tkellem ukoll | iċ-Chairman tal-Kunsill Malti għall-Isport li qal li għal din l-edizzjoni żewġ diretturi fi ħdan il-KMS, inħatru sabiex ikunu preżenti fil-laqgħat ta’ preparazzjoni u b’hekk ikollhom għarfien dirett tal-loġistika tal-attività. |
| Dan | sar sabiex KMS tifhem aktar mill-viċin u b’hekk ikunu jistgħu jibnu fuq it-tajjeb li sar fl-edizzjonijiet passati mill-Kumitat tal-Festi Nazzjonali. |
| L-għan tal-KMS hu li, minbarra li t-tradizzjoni | tar-regatta ma tintilifx, l-attività tinfirex aktar kemm mill-lat ta’ parteċipazzjoni kif ukoll mill-lat ta’ interess mill-pubbliku. |
| Il-President tal-Kumitat Festi | Nazzjonali Nazju Abela ħabbar li l-Klabbs (“Distretti”) li ser jipparteċepaw huma Bormla, Birżebbuġa, il-Birgu, l-Isla, il-Kalkara, il-Marsa u Marsamexett. Nazju Abela ħabbar ukoll tibdil f’xi regolamenti għal din l-edizzjoni fosthom li biex klabb jieħu sehem fit-tiġrijiet tal-Kategorija B irid jieħu sehem fit-tiġrija rispettiva tal-Kategorija A. |
| Dan ir-regolament | ġie ntrodott biex il-parteċipazzjoni u l-kompettitività u l-ispettaklu tat-tiġrijiet li jwasslu għar-rebħ tal-aggregate shield ikunu aktar spettakolari. |
| Bis-saħħa ta’ dan | ir-regolament jidher li l-parteċipazzjoni globali tal-klabbs fit-tiġrijiet kollha tar-Regatta żdiedet. Infatti żewġ klabbs biss mhux se jieħdu sehem fit-tiġrijiet kollha li hemm fil-programm. |
| Regolament ieħor | interessanti hu dak li jagħti s-saħħa liċ-Chief Judge biex fi kwalunkwe każ jistabilixxi xi korsa jew korsiji partikolari, qabel it-tiġrija, kif iħoss li jkun l-aħjar interess tal-andament tal-Regatta. |
| Il-konferenza tal-aħbarijiet | kienet indirizzata wkoll minn Malcolm Briffa, Head of Marketing ta’ Melita. Is-Sur Briffa qal li bħala kumpanija li qegħda fuq quddiem fejn jidħol il-home entertainment u d-divertiment għall-familja, Melita hi mpenjata bis-sħiħ biex tkompli tikkontribwixxi fl-izvilupp tal-isports lokali, fit-tisħiħ tal-assoċjazzjonijiet sportivi lokali, fil-promozzjoni tal-isports u l-kultura Maltija. |
| Malcolm Briffa qal | li l-isem Melita ilu sinonimu mad-dinja tal-isport għal dawn l-aħħar snin, grazzi għall-kontenut uniku li joffri l-istazzjon Melita Sports. Dawk kollha li jsegwu x-xena tal-isport – kemm lokali kif ukoll internazzjonali – jafu li Melita toffrilhom aċċess għall-aqwa logħob u dixxiplini tal-istaġun, dejjem b’xandiriet diretti. |
| Is-Sur | Briffa żied jgħid li Melita bi ħsiebha tkompli tassisti l-isforzi tal-Gvern u ta’ għaqdiet sportivi oħra fil-promozzjoni ta’ sports u dixxiplini li huma tant għal qalb ta’ ħafna Maltin. |
Stqarrijiet Oħra:
PR261987
STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...
PR261986en