Left arrow Mur Lura

IT-TASK FORCE DWAR IL-ĠUSTIZZJA RIPARATRIĊI TIPPREŻENTA R-RAPPORT TAGĦHA

pr1447
Date Icon 01/09/2009
It-Task Force dwar il-Ġustizzja Riparatriċili kienet twaqqfet biex tmexxi l-proċess ta’ konsultazzjoni pubblika wara li kienet ippubblikata l-White Paper dwar Ġustizzja Riparatriċi ippreżentat ir-rapport tagħha lill-Ministru tal-Ġustizzja u l-Intern, l-Onor. Carmelo Mifsud Bonnici.
Il-White Paper dwar Ġustizzja Riparatriċi likienet ġiet ippubblikata fi Frar ta’ din is-sena kienet tipproponi numru ta’ miżuri li setgħu jiddaħħlu sabiex il-ġustizzja riparatriċi tiġi ntrodotta f’Malta.
Fil-qosor, dawn kienu jinkludu l-introduzzjonital-Parole, ir-revizjoni tas-sistema ta’ remissjoni, it-titjib tal-programmi edukattivi u vokazzjonali għall-priġunieri, kif ukoll il-medjazzjoni u appoġġ għall-vittmi tal-kriminalità. Il-pubblikazzjoni tal-White Paper kien segwit minn perijodu ta’ konsultazzjoni mal-pubbliku li ġie fi tmiemu fit-30 ta’ Ġunju ta’ din is-sena.
Matul dan iż-żmien, it-Task Force irċeviet15–il sottomissjoni mingħand il-pubbliku permezz tal-email, 7 sottomissjonijiet permezz ta’ korrispondenza u 13–il sottomissjoni oħra minn għaqdiet u organizzazzjonijiet mhux-governattivi konċernati. Saru wkoll numru ta’ laqgħat ma’ stakeholders f’dan il-qasam.
Fir-Rapport tagħha dwar il-konsultazzjonipubblika, it-Task Force qed tagħmel numru ta’ rakkomandazzjonijiet li ħarġu minn dan il-proċess. Dawn qed jiġu mehmuża ma’ din l-istqarrija, flimkien mas-sommarju eżekuttiv tal-istess rapport.
Issa li ġie ppreżentat ir-Rapport,il-Ministeru javża li bl-assistenza ta’ din it-Task Force, ser ikompli bil-ħidma tiegħu billi jħejji l-abbozz ta’ ligi u regolamenti meħtieġa sabiex din ir-riforma tkun tista’ tibda’ tiġi implimentata u titwettaq.
Ta’ min ifakkar illi kien twaqqaf ComplianceUnit immexxi mis-Sur Louis Cilia sabiex isiru r-riformi amministrattivi neċessarji skond ir-rakkomandazzjonijiet tal-Bord ta’ Inkjesta li kien twaqqaf biex jinvestiga u janalizza l-operat tal-Faċilità Korrettiva ta’ Kordin. Il-Unit, fost diversi punti oħra, għandu jassigura l-introduzzjoni tajba ta’ dawn ir-riformi.
Il-Ministru jirringrazzja lill-membritat-Task Force - is-Sur Joe Gerada u s-Sinjura Mariella Camilleri – kif ukoll lis-Sinjuri Kevin Sammut, Rowna Baldacchino u Joyce D’Amato li assistewhom, għall-ħidma siewja tagħhom.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-INKLUŻJONI U L-VOLONTARJAT  Imfakkar il-65 anniversarju ta’ The Duke of Edinburgh’s International Award f’Malta

PR261987

STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...

PRESS RELEASE BY THE OFFICE OF THE SPEAKER  150th anniversary of Carlo Diacono’s birth commemorated with a concert under the patronage of Speaker Carmelo Abela

PR261986en

PRESS RELEASE BY THE OFFICE OF THE SPEAKER 150th anniversary of Carlo Diac...

Aktar Stqarrijiet Right arrow