Aktar kunsilli lokali jgawdu mill-fondi tal-UE
pr1446
01/09/2009
| Fi tmiem il-ġimgħa, l-kunsill lokali tal-Għarb | iċċelebra Jum l-Għarb b’attivita’ inter-kulturali fejn il-kunsill lokali ospita delegazzjonijiet Taljani minn Comunita’ Collinare Colli Tortonesi fil-Piemonte u minn Veglie fil-Puglia. |
| Fl-istess serata ingħataw diversi rikonoxximenti | fosthom Premju ‘Ġieħ l-Għarb’, Premju ‘Qlub Ġenerużi’, Premju ‘Volontarjat Lokali’, kif ukoll l-Gharb Gozitan Cultural Award. Matul is-serata ingħataw ukoll ċertifikati lil studenti li ggradwaw matul l-aħħar sena u lil dawk li attendew xi kors organizzat mill-kunsill lokali. |
| Waqt il-messaġġ tagħha, il-Ministru għal | Għawdex, l-Onor. Giovanna Debono faħħret l-inizjattiva meħuda mis-Sindku u l-kunsill lokali ta’ l-Għarb li għal darb’oħra waslu biex jagħmlu ftehim ta’ ġemellaġġ ma’ komunitajiet barranin. Din hija waħda mill-opportunitajiet li ġiet offruta permezz ta’ sħubija fl-Unjoni Ewropea, li bosta kunsilli kokali Għawdxin għarfu jibbenefikaw minnha fuq livell lokali, iżda kienu wkoll ta’ benefiċċju fuq livell reġjonali. |
| Il-Ministru Debono spjegat kif il-Ministeru għal | Għawdex ikkollabora mal-Kunsilli Lokali Għawdxin matul is-snin u kif din il-ħidma rriżultat f’benefiċċju għal Għawdex kemm fuq livell infrastrutturali, kif ukoll mill-aspetti kulturali u soċjali li komplew iwessgħu d-dimensjoni u l-funzjoni tal-Kunsilli Lokali f’Għawdex. |
| Is-Segretarju Parlamentari għall-Konsultazzjoni | Pubblika u Informazzjoni Chris Said qal li l-Unjoni Ewropea għandha potenzjal kbir għall-kunsilli lokali. Bit-twaqqif tal-MEUSAC l-istess kunsilli lokali qed isibu l-għajnuna biex jidentifikaw programmi li jistgħu jibbenefikaw minnhom u biex jippreparaw l-applikazzjonijiet għal fondi mill-Unjoni Ewropea. Huwa qal li din l-għajnuna se ssir aktar faċli tintlaħaq mill-kunsilli lokali Għawdxin minħabba l-ftuħ imminenti ta’ uffiċċju tal-MEUSAC f’Għawdex. |
| Chris Said qal li madwar 60% tal-kunsilli lokali | ġemellati bbenefikaw minn fondi taħt il-programm tal-Unjoni Ewropea “Town Twinning Meeting”. Huwa semma wkoll kif il-kunsilli lokali iridu jibdew jaħsbu fuq networking bejn lokalitajiet li diga’ huma ġemellati. Permezz tal-kunċett ta’ networking, il-kollaborazzjoni biex jinsabu soluzzjonijiet għal problemi komuni tkun qed titwessa’ għal aktar minn żewġ lokalitajiet. |
| Is-Segretarju Parlamentari qal li | mill-ġemellaġġi għandhom igawdu r-residenti. L-iskop ta’ dawn il-ġemellaġġi hu li jkun hemm bdil ta’ kulturi u ideat u r-residenti fil-lokalitajiet ġemellati iwessgħu l-orizzonti tagħhom u jarrikkixxu ruħhom kulturalment u soċjalment. Huwa ħeġġeġ lill-kunsill lokali tal-Għarb u ta’ lokalitajiet oħra biex ikomplu jfittxu ġemellaġġi li tassew jaħdmu u jilħqu l-iskop tagħhom u jkomplu wkoll jieħdu l-opportunitajiet li toffri l-Unjoni Ewropea. |
Stqarrijiet Oħra:
PR261987
STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...
PR261986en