566 Kors Differenti għall-Adulti
pr1436
28/08/2009
| Persuni adulti li jixtiequ jagħmlu xi kors kemm | tul in-nofs ta’ nhar ta’ fil-għodu jew inkella fil-għaxija, matul is-sena skolastika li ġejja, din is-sena se jkunu jistgħu jagħżlu minn varjeta’ ta’ 566 kors differenti offruti f’Malta jew Għawdex. |
| L-applikazzjonijiet għal dawn il-korsijiet bdew | jintlaqgħu llum kemm f’Malta kif ukoll f’Għawdex. Il-Ministru tal-Edukazzjoni, Kultura, Żgħażagħ u Sport, Dolores Cristina dal-għodu kienet fil-foyer tad-Direttorati Ġenerali tal-Edukazzjoni fil-Floriana fejn flimkien ma’ uffiċjali tad-Direttorat tat-Tagħlim Tul il-Ħajja laqgħet hi stess applikazzjonijiet għal dawn il-korsijiet. |
| Minn sena għal oħra dawn il-korsijiet | ikunu mistennija u jkollhom attendenza qawwija. Is-sena li għaddiet kien hemm aktar minn 7,400 persuna li attendew għalihom li 70% minnhom kienu nisa. |
| Din is-sena, d-Direttorat | għat-Tagħlim Tul il-Ħajja tad-Direttorati Edukattivi qed joffri 445 kors f’Malta u 121 kors f’Għawdex. Il-korsijiet ivarjaw minn suġġetti akkademiċi, għal dawk fl-IT, snajja (bizzilla, ganutell u ħjata) u oħrajn fuq suġġetti anqas impenjattivi bħalma huma l-ballroom dancing u yoga. |
| Korsijiet | popolari huma dawk tal-ECDL, Ballroom Dancing u Line Dancing kif ukoll dawk fil-Malti u fl-Ingliż Bażiku. Għal dawn il-korsijiet ikun hemm attendenza anki minn residenti barranin jew refuġjati. Għall-ewwel darba kemm ilhom isiru dawn il-korsijiet, fl-ewwel gurnata tal-applikazzjonijiet kien hemm sitt persuni li applikaw għal kors fil-Latin. |
| Numru minn dawn il-korsijiet ikunu | organizzati f’kollaborazzjoni mal-Kunsilli Lokali, u Għaqdiet Mhux Governattivi fosthom il-Kunsill Nazzjonali tan-Nisa, SEDQA, Villa Sant Anna, Caritas u Dar is-Sliem. Minn din is-sena, id-Direttorat għat-Tagħlim Tul il-Ħajja daħal bi sħab mal-FITA (Foundation for Information Technology Accessibility) u l-MITA (Malta Information Technology Agency) biex flimkien jorganizzaw korsijiet għall-adulti bi bżonnijiet speċjali, li jinkludu wkoll korsijiet li jwasslu għaċ-ċertifikat tal-ECDL. |
| Id-Direttorat | għat-Tagħlim Tul il-Ħajja twaqqaf f’Ġunju ta’ din is-sena. Minn din is-sena beda jieħu ħsieb ukoll dawn il korsijiet. |
| Din hi | inizjattiva li għandha twassal biex sa Diċembru tas-sena 2010, iċ-Ċertifikati kollha li se jingħataw mill-Iskola tal-Arti, iċ-Ċentru tad-Drama u l-Iskola tal-Mużika, kif ukoll uħud mill-korsijiet tad-Direttorat tal-Lifelong Centre, fosthom dawk fil-Malti u l-Ingliż Bażiku jkollhom rikonoxximent uffiċjali mill-Kunsill Malti għall-Kwalifiki. |
| Minn din is-sena | qed ikunu organizzati aktar korsijiet fiċ-Ċentru tal-Imsida u dawn se jkunu estiżi għal fil-għaxija wkoll. |
| Id-Direttorat | għat-Tagħlim Tul il-Ħajja hu wkoll responsabbli mill-ischolarships tal-ISTEPS u l-MGSS u beda ukoll ix-xogħol fuq Direttorju tal-Għaqdiet Mhux Governattivi (NGOs) li joffru korsijiet għall-adulti biex ikun hemm konformita’ f’dan is-settur. |
| Il-Ministru tal-Edukazzjoni, Kultura, Żgħażagħ u | Sport, Dolores Cristina qalet li l-iskop ta’ dawn il-korsijiet hu li jkun hemm opportunitajiet ta’ tagħlim għal dawk kollha li jixtiequ jtejjbu l-ħila u l-għerf li diġa’ għandhom, kif ukoll ikunu pro-attivi u fuq quddiem nett fil-kontribut lejn soċjeta’ u l-ekonomija mibnija fuq l-għerf. |
| Hi qalet li permezz ta’ dawn il-korsijiet | ikomplu jinfetħu opportunitajiet biex iċ-ċittadini ikunu attivi fis-soċjeta’ biex flimkien noħolqu u nmantnu kultura ta’ tagħlim tul il-ħajja fejn nisħqu li qatt m’hu tard biex wieħed jitgħallem. |
Other Press Releases:
PR261987
STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...
PR261986en