IL-VIĊI PRIM MINISTRU U MINISTRU TAL-AFFARIJIET BARRANIN TONIO BORG F’LAQGĦA MA’ DELEGAZZJONI LIBJANA
pr1424
25/08/2009
| Il-Viċi Prim Ministru u Ministru tal-Affarijiet | Barranin Tonio Borg kellu taħditiet ma’ delegazzjoni Libjana mmexxija mis-Segretarju tal-Affarijiet Barranin tal-Kungress Ġenerali tal-Poplu Libjan is-Sur Suleiman Shoumi, fi ħdan il-Ministeru tal-Affarijiet Barranin fil-Belt Valletta. |
| Il-Viċi Prim Ministru u Ministru tal-Affarijiet | Barranin Tonio Borg qal li ġie rreġistrat progress fit-taħditiet bejn Malta u l-Libja tant li ġie ffirmat ftehim dwar il-Ħelsien mit-Tassazzjoni Doppja. Iż-żewġ pajjiżi qed ikollhom taħditiet regolari fuq livell politiku u tekniku fuq oqsma oħra fosthom dwar il-Visas, is-sajd u l-immigrazzjoni illegali. |
| Dwar l-immigrazzjoni illegali, il-Viċi Prim | Ministru qal li n-numru ta’ immigranti li waslu f’Malta naqsu sewwa meta mqabbla mas-snin li għaddew u dan grazzi wkoll għall-ħidma li qed twettaq il-Libja. Minkejja dan, sostna l-Viċi Prim Ministru, il-problema tal-immigrazzjoni illegali xorta waħda qiegħda hemm u jeħtieġ li tkompli tkun indirizzata. |
| Il-Viċi Prim Ministru u Ministru tal-Affarijiet | Barranin stqarr ukoll li se jkun qed jakkumpanja lill-President ta’ Malta Dr George Abela fiż-żjara statali li se ssir fil-Libja. |
Stqarrijiet Oħra:
PR261987
STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...
PR261986en