Left arrow Mur Lura

STQARRIJA TAL-MINISTERU TAL-EDUKAZZJONI, KULTURA, ŻGĦAŻAGĦ U SPORT

pr1395
Date Icon 18/08/2009
Il-Ministeru tal-Edukazzjoni,Kultura, Żgħażagħ u Sport għadu qed jaħdem fuq it-twaqqif ta’ Akkademja tal-Mużika li tkun tinvolvi d-diversi elementi li diġa’ jeżistu f’dan il-qasam bħalma huma l-Iskola tal-Mużika u l-Istitut tal-Mużika fl-Universita’ ta’ Malta.
Il-proġett għat-twaqqif ta’ Akkademja tal-Mużikakien tnieda mill-Ministeru tat-Turiżmu u l-Kultura u kienet saret talba biex jinkisbu fondi mill-Unjoni Ewropea għal dan il-proġett.  Din it-talba ma kinitx aċċettata. Il-proġett fil-fatt, kien aktar edukattiv milli kulturali.
L-idea kienet li l-Akkademja tal-Mużika ssirf’Villa Bighi li kien hemm bżonn isir xogħol estensiv fuqha u fuq parti mill-isptar ta’ Bighi b’nefqa ta’ aktar minn € 5 miljuni.  Billi l-fondi mill-Unjoni Ewropea ma kienux approvati l-proġett ma setgħax jitkompla f’dak l-istadju.
Madankollu l-Ministeru tal-Edukazzjoni, Kultura,Żgħażagħ u Sport baqa’ xorta f’kuntatt ma’ rappreżentanti ta’ Mro Muti f’Ravenna u kiteb darbtejn lis-Surmast Muti biex issir laqgħa fejn ikun diskuss il-proġett.
Sadattant il-Ministeru se jibqa’ jaħdem ujesplora toroq oħra kif tista’ titwaqqaf Akkademja tal-Mużika f’pajjiżna.
Mhux ġust dak li qal fl-istqarrija tiegħu dwardan is-suġġett il-Kelliem tal-Oppożizzjoni għall-Kultura, Owen Bonnici, li l-Gvern mhux qed jgħin lill-artisti Maltin u l-qasam tal-kultura.
Infatti, apparti l-ħafna għajnuna u inizjattivimill-Kunsill Malti għall-Kultura b’risq l-artisti Maltin, il-ġimgħa l-oħra stess il-Gvern nieda l-Fond għall-Arti, li bih se jgħin artisti u kittieba Maltin; is-sena li għaddiet nieda l-Film Fund li minnu diġa’ bbenefikaw erba’ kumpanniji lokali.
Barra minn dan, fl-aħħar żewġ Budgetsintroduċa numru ta’ miżuri biex jgħin l-arti u l-kultura fosthom billi naqqas il-VAT minn 18% għal 5% fuq kiri ta’ spazji għal attivitajiet artistiċi u kulturali, kif ukoll fuq il-biljetti għad-dħul fil-mużewijiet, kunċerti, esibizzjonijiet u teatru.
Il-Gvern eżenta wkoll mill-ħlas tal-VATattvitajiet kulturali organizzati minn organizazzjonijiet li m’għandhomx skop ta’ qliegħ u neħħa wkoll il-VAT minn fuq it-taħriġ għal kull forma ta’ arti.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

STQARRIJA MILL-MINISTERU GĦALL-INKLUŻJONI U L-VOLONTARJAT  Imfakkar il-65 anniversarju ta’ The Duke of Edinburgh’s International Award f’Malta

PR261987

STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...

PRESS RELEASE BY THE OFFICE OF THE SPEAKER  150th anniversary of Carlo Diacono’s birth commemorated with a concert under the patronage of Speaker Carmelo Abela

PR261986en

PRESS RELEASE BY THE OFFICE OF THE SPEAKER 150th anniversary of Carlo Diac...

Aktar Stqarrijiet Right arrow