KORSIJIET TA’ FIL-GĦAXIJA GĦALL-ADULTI
Id-Direttorat għat-Tagħlim tul il-Ħajja fi ħdan il-Ministeru tal-Edukazzjoni, Kultura, Żgħażagħ u Sport għadu kif qassam ktejjeb fl-uffiċċji tal-Kunsilli Lokali ta’ Malta u Għawdex. F’dan il-ktejjeb, tinstab lista ta’ korsijiet ta’ fil-għaxija (Evening Classes), kif ukoll korsijiet li ser isiru fil-Lifelong Learning Centre u fl-iskejjel tal-Arti, Drama u Mużika. Il-lista ta’ korsijiet tidher ukoll fuq il-websajt www.eveningcourses.gov.mt
Il-korsijiet kollha jibdew f’Ottubru li ġej. L-applikazzjonijiet jibdew jintlaqgħu mill-Ġimgħa 28 t’Awwissu sal-Ġimgħa 11 ta’ Settembru 2009. Wieħed jista’ japplika online fuq is-sit elettroniku www.eveningcourses.gov.mt jew inkella personalment fil-bini tal-Ministeru tal-Edukazzjoni, Floriana. Applikanti Għawdxin jistgħu jieħdu l-applikazzjoni fl-Uffiċċju tal-Edukazzjoni, Victoria Għawdex waqt il-ħinijiet tal-uffiċċju.
| Il-formola tal-applikazzjoni li tinkiseb | ukoll mill-Kunsill Lokali jew online, tista’ tintbagħat bil-posta f’dan l-indirizz: Direttorat għat-Tagħlim Tul il-Ħajja, Ministeru tal-Edukazzjoni, Kultura, Żgħażagħ u Sport, Kamru Nru. 320, Floriana FRN 1810. |
| Ebda applikant m’għandu jibgħat ħlas qabel | jiġi infurmat li ġie aċċettat għall-kors li jkun applika għalih. |
Stqarrijiet Oħra:
PR261987
STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...
PR261986en