XOGĦLIJIET TA’ SKAVAR FIL-WIED TA’ MĠARR IX-XINI
pr1340
06/08/2009
| Il-Ministru għal Għawdex l-Onor. Giovanna | Debono żaret ix-xogħlijiet ta’ skavar li qed isiru fis-sistema ta’ għelieqi fil-Wied ta’ Mġarr ix-Xini, fejn kienet imdawra fuq is-sit mis-Sur Anthony Pace, is-Sovrintendent tal-Patrimonju Malti u mis-Sindku tax-Xewkija Dr. Monica Vella. |
| L-iskavar qed jipprova jistabbilixxi d-datazzjoni | ta’ l-oriġini tas-sistema ta’ ħwat li hemm fil-wied u ta’ l-għelieqi relatati magħhom. Aktarx li l-għelieqi u l-ħwat kienu jintużaw għall-kultivazzjoni tad-dwieli u l-produzzjoni ta’ l-inbid. Dan l-iskavar qiegħed jagħti wkoll aktar dettalji dwar dan is-sit, in-natura u l-użu tiegħu, kif ukoll il-perjodu li fih kien jintuża. |
| L-iskavar li ilu għaddej mill-2005, huwa | parti minn proġett li qed isir mill-Kumitat tal-Park Reġjonali ta’ Wied Imġarr ix-Xini mwaqqaf bejn il-Kunsilli Lokali tax-Xewkija u ta’ Sannat. L-iskavar qed isir bil-kollaborazzjoni tal-Fakultà ta’ l-Arkeoloġija ta’ l-Università ta’ Malta u tas-Sovrintendenza tal-Wirt Kulturali. |
| L-għan ewlieni huwa li ssir magħrufa l-integrazzjoni | ta’ informazzjoni arkeoloġika identifikata ma’ l-istorja kulturali tal-wied. Din hija l-ewwel darba li qed isir studju f’Malta u Għawdex fuq il-landscape architecture. Dan iwassal biex dan il-wied jiġi promoss mhux biss bħala attrazzjoni naturali, iżda wkoll bħala wieħed mill-aktar ċentri agro-industrijali qodma f’Għawdex. Jidher li hemm ħjiel li din is-sistema ta’ ħwat u anke tal-binja ta’ l-għelieqi tista’ saħansitra tmur lura għal 600 sena Q.K. |
| Il-Ministru għal Għawdex faħħret l-inizjattiva | meħudha mill-Kunsilli Lokali tax-Xewkija u Sannat u saħqet li kulħadd għandu jkun konxju mill-importanza tal-wirt storiku, kulturali u arkeoloġiku ta’ pajjizna. |
Other Press Releases:
PR261987
STQARRIJA MILL-MINISTERU GĦALL-INKLUŻJONI U L-VOLONTARJAT Imfakkar il-65 a...
PR261986en