ĦRUĠ TA’ €100,000,000 TA’ ‘STOCKS’ TAL-GVERN
L-‘Accountant General’ iħabbar il-ħruġ ta’ €100,000,000 ta’ ‘Stocks’ tal-Gvern suġġett għal dritt li jiżdied l-ammont li għandu jinġabar b’massimu ta’ €20,000,000 nhar l-Erbgħa 5 ta’ Awwissu 2009 kif ġej:-
(i) 3.6% Stock Tal-Gvern Ta' Malta 2013 (IV) Fungibility Issue, u
(ii) 5% Stock Tal-Gvern Ta' Malta 2021 (I) Fungibility Issue, jew
(iii) F’ammontimiż-żewġ Stocks imsemmija b’valur nominali flimkien ta’ €100,000,000.
Il-prezz għal kull stock għandu jiġi stabbilit il-Ġimgħa, 31 ta’ Lulju 2009. Il-prezz jiġi mħabbar lill-Borża ta’ Malta, ippubblikat fil-ġurnali ta’ kuljum u permezz ta’ Press Release maħruġa mid-Dipartiment tal-Informazzjoni.
Din il-ħarġa tagħlaq kif ġej, jew aktar kmieni fid-diskrezzjoni tal-‘Accountant General’ :
(i) f’nofsinhar is-Sibt 8 ta’ Awwissu, 2009 għall-applikazzjonijiet minn xi applikant wieħed u/jew applikanti flimkien li ma jeċċedux €100,000 kull persuna,
(ii) nofsinhar it-Tlieta 11 ta’ Awwissu, 2009 għall-applikazzjonijiet li jkunu magħmulin f’offerti b’irkant. L-ammonti ta’ kull Stock li jiġu allokati lill-applikanti li l-applikazzjoni tagħhom kienet magħmula f’offerti b’irkanti, jiġu immedjatament mgħarrfa sagħtejn wara l-ħin tal-għeluq tal-offerti b’irkant.
Il-formoli tal-applikazzjoni jinkisbu minn u jiġu ddepożitati għand il-Membri kollha tal-Borża ta’ Malta u Provdituri oħra awtorizzati ta’ Servizzi ta’ Investiment. Formoli tal-applikazzjoni jistgħu jitniżżlu wkoll minn fuq il-website tat-Teżor.
Aktar tagħrif dwar dawn l-‘istocks’ jinsab fil-prospetti rispettivi tagħhom kif ukoll fuq il-‘website’ tat-Teżor (www.treasury.gov.mt)
Stqarrijiet Oħra:
PR261986en
PRESS RELEASE BY THE OFFICE OF THE SPEAKER 150th anniversary of Carlo Diac...
PR261986