LIFE+ - PROGRAMM TA’ FONDI EWROPEJ LI JWASSAL GĦAL LOKALITAJIET SOSTENIBBLI
pr1290
27/07/2009
| L-Onor Chris Said, Segretarju Parlamentari | għall-Konsultazzjoni Pubblika u Informazzjoni, indirizza seminar intiż għall-kunsilli lokali u għaqdiet mhux governattivi (NGOs) dwar il-Programm Ewropew LIFE+. Is-seminar ġie organizzat mill-MEUSAC flimkien man-National Contact Point tal-LIFE+. |
| Il-programm LIFE+ | huwa l-istrument finanzjarju tal-Unjoni Ewropea għall-ambjent u għandu allokat budget totali ta’ €2.15 biljun bejn il-perjodu 2007 u 2013. LIFE+ jipprovdi opportunità ta’ finanzjament għall-inzjattivi fil-qasam ta’ żvilupp sostenibbli f’diversi oqsma, bħall-konservazzjoni tal-ambjent naturali u speċi protetti, għajnuna biex jiġi mwaqqaf it-telf tal-biodiversità, u jgħin fl-implimentazzjoni tal-politika u legislazzjoni ambjentali. |
| Il-programm huwa | mibni fuq l-importanza li l-Unjoni Ewoprea tagħti lill-protezzjoni tal-ambjent ta’ madwarna u huwa programm li jikkumplimenta strumenti oħra ta’ finanzjar immirati biex jipproteġu l-ambjent. |
| “Il-LIFE+ hu | mmirat biex titqajjem kuxjenza ambjentali biex naslu għal bidla pożittiva fl-attitudni tagħna lejn l-ambjent ta’ madwarna. Ir-rwol tal-kunsilli lokali u l-NGOs f’dan l-aspett hu essenzjali”, stqarr Dr Said. |
| Il-Kunsilli | Lokali u NGO’s huma eleġibbli li jipparteċipaw taħt it-tlett sezzjonijiet tal-programm. Dawn jitrattaw il-konservazzjoni tal-ambjent naturali u speċi mhedda kif ukoll azzjonijiet biex iwaqqfu mit-telf fil-bijodiversità; proġetti li jikkontribwixxu għall-implimentazzjoni ta’ legislazzjoni Ewropea marbutin mal-arja, it-tibdil fil-klima, l-ambjent urban, u r-riżorsi naturali, kif ukoll kampanji ta’ għarfien relatati ma’ xi wieħed mill-oqsma msemmija. Madanakollu l-kunsilli lokali għandhom rwol importanti u jistgħu jkunu ħafna aktar effettivi mill-Gvern ċentrali, fejn tidħol il-komunikazzjoni mar-residenti – u għalhekk it-tielet miżura, jiġifieri dik li titratta kampanji ta’ informazzjoni hija dik li tindirizzahom l-iktar, stqarr Chris Said. |
| “Kampanji ta’ | gharfien deċentralizzati jistgħu jilħqu ferm aħjar l-għan tagħhom. Bħala kunsilli lokali tistgħu tapplikaw biex tagħmlu kampanji ta’ tagħrif dwar karatteristiċi partikolari li hemm fil-lokalità taghkom u b’hekk tipprovdu informazzjoni u tgħinu biex jiġu mħarsa dawn is-siti”, kompla jgħid is-Segretarju Parlamentari. |
| Chris Said | appella lill-kunsilli lokali biex ikomplu jagħmlu użu mis-servizz li qed toffri kontinwament il-MEUSAC - li apparti tagħti informazzjoni lil kulħadd dwar opportunitajiet ta’ fondi, qed tagħti wkoll għajnuna fl-applikazzjonijiet u f’ko-finanzjament lill-kunsilli lokali u NGO’s. |
| Dr Said sostna li | f’sitt xhur il-Funding Unit tal-MEUSAC assistiet f’97 applikazzjoni minn kunsilli lokali u NGO’s b’valur totali ta’ applikazzjonijiet li jilħaq il-€25,166,870. Grazzi għal din l-għajnuna li qed tipprovdi l-MEUSAC, mhux biss qed nilħqu l-miri ta’ applikazzjonijiet Ewropej mill-kunsilli lokali, imma qed nissorpassawhom, stqarr Chris Said. |
| Is-Segretarju | Parlamentari qal ukoll li x-xahar id-dieħel il-MEUSAC għandha tibda tħaddem fond ta’ ko-finanzjament għall-għaqdiet mhux governattivi għal proġetti Ewropej. |
| Il-kelliema l-oħra f’dan is-seminar kienu | Maria Elena Attard, il-Life+ National Contact Point; Juan Manuel Revuelta, Direttur Ġenerali tal-Fundación Comunidad Valenciana - Región Europea; Vince Attard, President tan-Nature Trust Malta u Maria Schembri, Kap tal-Funding Unit MEUSAC. Is-seminar tmexxa minn Dr Gabriella Pace, Kap tat-Taqsima tal-Informazzjoni tal-MEUSAC. |
Stqarrijiet Oħra:
PR261986en
PRESS RELEASE BY THE OFFICE OF THE SPEAKER 150th anniversary of Carlo Diac...
PR261986