Left arrow Mur Lura

IL-MINISTERU TAL-AFFARIJIET BARRANIN ISSA MIFTUĦ GĦALL-PUBBLIKU BL-GĦAN LI JIKBER L-GĦARFIEN DWAR L-IMPORTANZA TAS-SERVIZZI OFFRUTI LIĊ-ĊITTADIN

PR1690
Date Icon 07/11/2008
Numru kbir ta’Maltin qed jagħmlu użu mill-Ambaxxati
Kien grupp ta’ studenti mill-Kulleġġ San Alwiġili attenda għall-ftuħ ta’ esebizzjoni permanenti fi ħdan il-bini li minnu jopera l-Ministeru tal-Affarijiet Barranin, jiġifieri, Palazzo Parisio fi Triq il-Merkanti fil-belt Valletta.
Din l-esibizzjoni se tkun miftuħagħall-pubbliku. Gruppi ta’ persuni interessati fix-xogħol li jwettaq il-Ministeru tal-Affarijiet Barranin jistgħu jattendu għal din l-esebizzjoni, fejn ukoll tingħata spjegazzjoni dwar din il-ħidma minn desk officers fi ħdan il-Ministeru.
L-istudenti tar-raba’ sena sekondarja kellhomukoll l-okkażjoni li jiltaqgħu u jkunu indirizzati mil-Viċi Prim Ministru u Ministru tal-Affarijiet Barranin, l-Onor. Tonio Borg. Huwa spjega li l-miri tal-Ministeru tal-Affarijiet Barranin huma varji. Fosthom insibu li kull ċittadin Malti jħossu komdu u moħħu mistrieħ li għandu l-għajnuna tal-Gvern f’każ ta’ xi saram meta jkun imsiefer, kemm fuq xogħol kif ukoll waqt btala.
Il-Ministru Tonio Borg semma wkoll ir-rwolimportanti ferm li kellhom l-Ambaxxaturi Maltin u l-ħaddiema kollha tal-Ministeru tal-Affarijiet Barranin sabiex f’ Malta se jitwaqqaf l-uffiċċju ta’ koordinament bejn l-Unjoni Ewropea u il-Lega Għarbija hekk kif ġie deċiż minn 43 pajjiż li jiffurmaw l-Unjoni tal-Mediterran. Minbarra dan, wieħed minn ħames Segretarji Deputati fi ħdan l-istess Unjoni se jkun Malti. Dan għandu jwassal għal vuċi iktar soda ta’ Malta fil-fora internazzjonali.
Fl-ewwel disa’ xhur ta’ din is-sena, 700 Malti uGħawdxi rrikorrew għall- għajnuna mill-24 ambaxxata li Malta għandha mifruxin madwar id-dinja waqt li kienu għal btala. Ir-raġunijiet prinċipali kienu dwar serq ta’ passaporti jew flus, mard, żwieġ u mwiet, inċidenti relatati ma’ trasport, ħruġ ta’ visas u adozzjoni ta’ tfal. B’kollox kien hemm 5 każijiet ta’ żwieġ u 10 każijiet ta’ mwiet. L-ambaxxati jkollhom ukoll numru konsiderevoli ta’ talbiet għal għajnuna minn Maltin li jiksru l-liġi f’pajjiż ieħor bħal ċitazzjonijiet ta’ trasport.
Kienhemm ukoll ‘il fuq minn 1,800 kuntatt bejn Maltin li jaħdmu barra u l-Ambaxxati Maltin fl-ewwel disa’ xhur ta’ din is-sena. Ir-raġunijiet kienu ta’ ċittadinanza, pensjonijiet u visas. Fl-Ingilterra, ikun hemm ukoll madwar 500 kuntatt fix-xahar bejn Maltin li matul iż-żmien ibbażaw ruħhom f’dan il-pajjiż u l-Ambaxxata Maltija f’Londra.
F’din l-esibizzjoni wieħed jingħata tagħrif mhuxbiss dwar kif inhu strutturat il-Ministeru tal-Affarijiet Barranin iżda wkoll dwar is-servizzi li joffru id-Dipartiment tal-Protokoll u dak tal-VISA. Dawn huma servizzi li l-Maltin qed jużaw ferm iktar minn qatt qabel u għalhekk huwa importanti li wieħed jitgħallem fuqhom.
L-istudenti kellhom ukoll il-possibiltà li jżurul-uffiċċju personali tal-Viċi Prim Ministru Tonio Borg, liema uffiċċju kien ukoll jintuża minn Napuljun Bonaparte meta dan kien għal waqfa f’Malta mit-12 sat-18 ta’ Ġunju 1798.
L-informazzjoni li wieħed isib f’dinl-esibizzjoni se tkun tista’ wkoll titniżżel mis-sit ġdid tal-Ministeru tal-Affarijiet Barranin li se jkun mniedi fi ftit jiem.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE HOUSE OF REPRESENTATIVES  Maltese parliamentary delegation participates in the Inter-parliamentary conference on Stability, Economic Coordination and Governance in the EU

PR261983

PRESS RELEASE BY THE HOUSE OF REPRESENTATIVES Maltese parliamentary delega...

FOOD SAFETY AND SECURITY AUTHORITY NOTICE

PR261982en

FOOD SAFETY AND SECURITY AUTHORITY NOTICE

Aktar Stqarrijiet Right arrow