Left arrow Mur Lura

Il-PRIM MINISTRU U S-SEGRETARJU PARLAMENTARI GĦAż-ŻGħAżAGħ U SPORT jżuru l-attivitajiet li qed isiru fl-okkażjoni tAL-ġIMGħA EWROPEA TAż-żGħAżAGħ

PR1682
Date Icon 06/11/2008
Iż-żgħażagħ humafiċ-ċentru tal-politika tal-Gvern u għandhom jisfruttaw kull opportunità li jsibu quddiemhom, kemm fuq livell nazzjonali kif ukoll fuq livell Ewropew.
Dan kien is-suġġettewlieni li ġie diskuss waqt żjara li l-Prim Ministru, l-Onor.  Lawrence Gonzi u s-Segretarju Parlamentari għaż-Żgħażagħ u Sport, l-Onor. Clyde Puli ghamlu, fl-attivitajiet li qed isiru biex titfakkar il-Ġimgħa Ewropea taż-Żgħażagħ f’Misraħ il-Ħelsien u fit-Teatru Rjal.
Iż-żgħażagħ jinsabufuq quddiem nett tal-aġenda tal-Gvern u l-budget li tħabbar nhar it-Tnejn li għadda huwa xhieda ta’ dan. Huwa għalhekk li qed tingħata daqshekk importanza lill-investiment fl-edukazzjoni, fosthom fil-librerija u l-bini ta’ fakultà ġdida ta’ l-ICT fl-Università ta’ Malta. Tul is-sena d-dieħla wkoll il-Gvern se jibda jinvesti fil-proġett ambizzjuż ta’ bini tal-kampus ġdid tal-MCAST.
Kull ma jmur qedjiżdied il-bżonn ta’ nies imħarrga f’oqsma speċjalizzati. Il-Gvern irid ikompli jattira investiment ta’ valur miżjud għoli sabiex joħloq aktar postijiet tax-xogħol f’setturi differenti, fosthom fil-qasam ta’ l-ICT, tas-servizzi u tal-farmaċewtika. Il-Gvern se jinvesti wkoll ħafna iktar flus fir-riċerka u innovazzjoni bil-għan li jiġu xprunati għadd ta’ intrapriżi ġodda, u l-bini ta’ Bio-Technology Park f’San Ġwann għandu jwassal ghal dan il-għan.
Din hija l-ewweldarba li l-Ġimgħa Ewropea taż-Żgħażagħ qed tittella’ hawn Malta, fl-istess ġimgħa li qed isseħħ fi 30 pajjiż Ewropew ieħor.
Matul il-ġimgħa, ‘ilfuq minn 20 għaqda taż-żgħażagħ minn oqsma differenti, fosthom il-kamp soċjali, studentesk, reliġjuż u sportiv, ingħaqdu flimkien sabiex jiddiskutu diversi suġġetti importanti, fosthom l-edukazzjoni, il-mobilità, id-djalogu interkulturali, is-saħħa u d-divertiment.
Preżenti għaż-żjara kien hemm ukoll il-KoordinaturNazzjonali tal-EUPA, Mauro Pace Parascandolo. Matul din is-sena kien hemm żieda sostanzjali fin-numru ta’ żgħażagħ li pparteċipaw fil-programmi tal-Youth in Action tal-UE. Fis-sena 2007 kienu 210 iż-żgħażagħ Maltin li pparteċipaw, u sa Ġunju ta’ din is-sena n-numru ta’ żgħażagħ li ħadu sehem f’dawn il-programmi kien diġa’ żdied għal 330.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE HOUSE OF REPRESENTATIVES  Maltese parliamentary delegation participates in the Inter-parliamentary conference on Stability, Economic Coordination and Governance in the EU

PR261983

PRESS RELEASE BY THE HOUSE OF REPRESENTATIVES Maltese parliamentary delega...

FOOD SAFETY AND SECURITY AUTHORITY NOTICE

PR261982en

FOOD SAFETY AND SECURITY AUTHORITY NOTICE

Aktar Stqarrijiet Right arrow