Left arrow Mur Lura

MALTA FIS-SEGRETARJAT TAL-UNJONI GĦALL-MEDITERRAN: UFFIĊĊJU F’MALTA GĦAL DJALOGU BEJN L-EWROPA U L-PAJJIŻI GĦARAB

PR1665
Date Icon 04/11/2008
Fi tmiem laqgħa bejn il-Ministri tal-43 pajjiżli jipparteċipaw fil-Proċess ta’ Barċellona, f’Marsilja, ġiet approvata d-dikjarazzjoni finali b’mod unanimu.
F’din il-laqgħa ntlaħaq ftehim li s-sedetal-Unjoni għall-Mediterran tkun fil-belt ta’ Barċellona, b’kontinwazzjoni mal-proċess li beda hemm stess.  Kien hemm qbil li Malta tkun fl-ewwel grupp ta’ Deputati Segretarji Ġenerali flimkien mal-Italja, l-Greċja, l-Iżrael u l-Palestina, li se jkunu qed jaħdmu f’Barċellona nnifisha.
Matul il-laqgħa, Malta ġiet magħżula ukollsabiex tospita l-uffiċċju ta’ ko-ordinazzjoni (liaison office) għal djalogu bejn l-Unjoni Ewropea u l-Lega Għarbija.
Din il-proposta saret b’mod konġunt bejnil-Kummissarju tal-Unjoni Ewropea, Benita Ferrero Waldner u s-Segretarju Ġenerali tal-Lega Għarbija Amre Mousa f`ittra ffirmata minnhom stess u indirizzata lil Tonio Borg, Viċi Prim Ministru u Ministru tal-Affarijiet Barranin li rrappreżenta lil Malta fil-Konferenza Ministerjali.
Dan l-uffiċċju, l-ewwel wieħed tax-xorta tiegħu,se jkun fih espert mill-Kummissjoni Ewropea u ieħor mil-Lega Għarbija flimkien ma’ esperti Maltin, bl-iskop li jippromwovi d-djalogu bejn l-Ewropa u d-dinja Għarbija li beda f’Malta fi Frar 2008.
L-Unjoni għall-Mediterran beħsiebha tikkonċentrafuq  proġetti li se jkunu mwettqa fir-reġjun tal-Mediterran. Fosthom hemm proġetti dwar regolamentazzjoni ta’ traffiku ta’ vapuri fil-baħar, tat-tniġġis tal-baħar, tal-protezzjoni ċivili, ta’ pjan solari għall-Mediterran, ta’ edukazzjoni għolja u ta’ inizjattivi favur impriżi żgħar u medji.
Il-Viċi Prim Ministru u Ministru tal-AffarijietBarranin, Dr Tonio Borg, sostna li dan huwa pass importanti ħafna sabiex Malta tkompli tagħmel suċċess fl-Unjoni Ewropea.  Minkejja ċ-ċokon ta’ pajjiżna, l-vuċi ta’ Malta fi ħdan l-Unjoni għall-Mediterran magħmula minn 43 pajjiż, għandha validità siewja.  It-twaqqif ta’ dan l-uffiċċju f’Malta, għandu jservi sabiex tissaħħaħ ir-relazzjoni u l-ħidma bejn l-Ewropa u d-dinja Għarbija. Hu temm jgħid li kien ġust li dan jitwaqqaf f`Malta għax kien f`pajjiżna illi dal-proċess ta’ djalogu ngħata bidu.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE HOUSE OF REPRESENTATIVES  Maltese parliamentary delegation participates in the Inter-parliamentary conference on Stability, Economic Coordination and Governance in the EU

PR261983

PRESS RELEASE BY THE HOUSE OF REPRESENTATIVES Maltese parliamentary delega...

FOOD SAFETY AND SECURITY AUTHORITY NOTICE

PR261982en

FOOD SAFETY AND SECURITY AUTHORITY NOTICE

Aktar Stqarrijiet Right arrow