Left arrow Mur Lura

WIRJA TA’ DOKUMENTI DWAR ‘IL-FORTIFIKAZZJONIJIET KOSTALI  F’GĦAWDEX’

PR1634
Date Icon 31/10/2008
Wirja ta’dokumenti storiċi kif ukoll ritratti dwar il-fortifikazzjonijiet kostali ta’ Għawdex, li jinsabu fl-Arkivju Nazzjonali ta’ Għawdex, ġiet inawgurata bħala parti mill-attivitajiet organizzati matul il-Ġimgħa għall-Għarfien dwar l-Arkivji, fl-istess binja ta’ l-arkivju f’Għawdex.
Il-wirja ġiet inawgurata mis-Sur Anthony Borg,Kap tas-Segretarjat fil-Ministeru għal Għawdex, li wassal ukoll messaġġ għan-nom tal-Ministru. Fil-messaġġ tagħha l-Onor. Giovanna Debono qalet li attivita’ ta’ din in-natura sservi biex tkabbar l-għarfien dwar dokumenti tal-lum li għad jiffurmaw il-bażi ta’ l-istorja, filwaqt li persuni li għandhom dokumenti ta’ interess storiku jiġu mħajra biex jippreservawhom għal ġenerazzjonijiet tal-futur. F’isem il-Ministru għal Għawdex, is-sur Borg ippreżenta wkoll  numru ta’ pjanti ta’ binjiet storiċi u ta’ valur arkitettoniku magħmula mill-impjegati tad-Dipartiment tal-Proġetti u Żvilupp fi ħdan il-Ministeru għal Għawdex.
Fl-istess okkażjoni tkellem ukoll is-Sur CharlesFarrugia, l-Arkivist Nazzjonali li ta ħarsa lejn il-ħidma ta’ l-Arkivji Nazzjonali f’Malta u Għawdex. Huwa ppreżenta żewġ dokumenti oriġinali relatati mal-ħidma tal-Kunsill Ċiviku ta’ Għawdex.
L-Assistent Arkivista Nazzjonali, Mons. JosephBezzina tkellem dwar is-sinifikat tal-wirja u dwar l-importanza li, d-dokumenti esibiti tal-fortifikazzjonijiet kostali f’Għawdex, għandhom għall-istorja.
Għall-okkażjoni ġie ppubblikat katalogub’informazzjoni dettaljata dwar id-dokumenti u ritratti esibiti, li ġie sponsorjat mill-HSBC.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE HOUSE OF REPRESENTATIVES  Maltese parliamentary delegation participates in the Inter-parliamentary conference on Stability, Economic Coordination and Governance in the EU

PR261983

PRESS RELEASE BY THE HOUSE OF REPRESENTATIVES Maltese parliamentary delega...

FOOD SAFETY AND SECURITY AUTHORITY NOTICE

PR261982en

FOOD SAFETY AND SECURITY AUTHORITY NOTICE

Aktar Stqarrijiet Right arrow