STQARRIJA MILL-MINISTERU GHALL-POLITIKA SOCJALI DWAR L-AZZJONIJIET TAL-MUMN FL’ ISPTARIJIET
PR1627
29/10/2008
| Il-Malta Union of Midwives and Nurses (MUMN) | għal darb’oħra reġgħet għażlet li tikkaguna tbatija lill-Poplu Malti u b’mod partikulari lill-pazjenti kollha fl-isptarijiet kollha ta’ Malta w Għawdex għal raġunijiet frivoli u bla sens. |
| Il-mexxejja tal-MUMN donnhom ma fehmux id-differenza | bejn il-Gvern u r-regolatur, u li f’demokrazija dawn għandhom ikunu separati minn xulxin. Qed jagħmlu din l-azzjoni biex jagħmlu pressjoni ħalli jinbidlu l-istandards tal-korsijiet tan-nurses u l-midwives organizzati mill-Universita’. Din hi materja li trid tiġi deċiża mill-Universita’ fil-kuntest tal-awtonomija tagħha u ma jkunx etiku min-naħa tal-Gvern jipprova jimponi fuqha. Bħalma ma mhux etiku li jsiru dawn l-azzjonijiet biex jintimidawha. |
| L-MUMN mhix korretta li tgħid li l-Gvern ma | jridx jagħmel manpowerplan fuq medda ta’ ħames snin, anzi bil-maqlub. Il-Gvern irid ikun jaf xi ħtiġijiet ser ikollu bżonn għall-futur sabiex ikun jista’ jippjana minn issa għal li ġej. Imma dan il-manpower plan li qed jagħmel il-Gvern ma jkoprix biss numri imma jkopri wkoll prattiċi ta’ xogħol kif ukoll analizi tax-xogħol li qed isir minn kull kategorija ta’ ħaddiema u jekk dan ix-xogħol għandux isir minnhom jew minn oħrajn. Per eżempju il-gvern hu impenjat li jara li servizzi li jistgħu jingħataw fl-isptarijiet minn livelli ta’ impjegati oħra dan isir u b’hekk in-nurses ikunu imserha minn xogħol sekondarju. |
| L-MUMN lanqas m’hi korretta meta tgħid li | l-Gvern mhux qed jimplimenta l-ftehim kollettiv. Il-Ministru stqarr sa mill-ewwel laqgħat li kellu mal-Union li hu kien ser jonora l-ftehim kollha li saru magħhom. Il-Union taf bil-laqgħat li saru f’dawn l-aħħar ftit xhur u bil-progress li sar. Jekk għad hemm xi ħaġa li għadha ma seħħitx mhux għaliex il-Ministeru b’xi mod kaxkar saqajh jew oġġezzjona li ssir. Il-Union taf li l-burokrazzija li qiegħda tirreferi għaliha hi mhi xejn għajr il-kwadru legali li fil-preżent jeżisti fil-pajjiż li jirregola mhux biss l-impieg tan-nurses imma tal-ħaddiema kollha tal-gvern. Il-każ tan-nurses ma jistax jiġi kkunsidrat waħdu imma flimkien ma’ ta’ oħrajn. |
| Dwar l-ingaġġ ta’ impjegati oħra kemm part | timers kif ukoll full timers, il-Ministeru għamel dak kollu li jippermettu iċ-ċirkustanzi u r-riżorsi fil-preżent. Il-Ministeru ser ikompli jirsisti sabiex jara li jkun hemm ingaġġ ta’ ħaddiema fejn l-aktar li hemm ħtieġa għalihom fl-oqsma kollha tas-settur tas-saħħa. Imma l-prijorita’ jagħmilhom il-Ministeru b’konsultazjoni mal-Union skond l-esiġenzi tal-aħjar servizz lill-pazjent u m’għandhomx jiġu mposti mill-Union skond l-esiġenzi tagħha. |
| L-Interess tal-Ministeru hu li minn banda | l-ħaddiema f’dan is-settur ikunu jistgħu jaħdmu f’kundizjonijet xierqa, imma fuq kollox irid jassigura li s-servizz lill-pazjenti kollha jkun l-aħjar li jista’ jingħata. Din hi xi ħaġa li ma tidhirx li tinteressa lill-Union għaliex kieku ma kinitix tagħti d-direttivi li tat għaliex filwaqt li mhu ser tirranga xejn minn dak li hu allegat li hu nuqqas, ħadd mhu ser ibati ħlief il-pazjent. Għalhekk l-appell hu li n-nurses/midwives jonoraw l-obbligi professjonali tagħhom u jżommu l-pazjent fl-ewwel post. Dawn l-azzjonijiet mhu ser iservu għall-ebda soluzzjoni imma sempliċiment ser ikunu ta’ kagun ta’ tbatija bla ħtiega. |
| Meta ffaċċjat b’azzjonijiet irresponsabbli bħal | dawn, il-Ministeru qed jagħmilha wkoll ċara li fil-pajjiż ma nistgħux nibqgħu ghaddejjin bil-parodija li l-Unions jordnaw lill-membri tagħhom jagħmlu nofs xoghol u mbaghad jippretendu paga sħiħa. |
Stqarrijiet Oħra:
PR261983
PRESS RELEASE BY THE HOUSE OF REPRESENTATIVES Maltese parliamentary delega...
PR261982en