Left arrow Go Back

IS-SEGRETARJU PARLAMENTARI GĦAŻ-ŻGĦAŻAGĦ U SPORT, IĦABBAR IL-PROGRAMM TAL-“ĠIMGĦA EWROPEA GĦAŻ-ŻGĦAŻAGĦ”

PR1599
Date Icon 27/10/2008
“Il-Ġimgħa Ewropeagħaż-Żgħażagħ se tkun celebrazzjoni sħiħa tal-enerġija u t-talent żagħżugħ”
Dan qalu s-SegretarjuParlamentari għaż-Żgħażagħ u Sport Clyde Puli waqt konferenza tal-aħbarijiet li matulha ħabbar id-dettalji tal-programm għall-Ġimgħa Ewropea taż-Żgħażagħ li se tittella’ bejn il-Ħadd 2 ta’ Novembru u l-Ħadd 9 ta’ Novembru. Din ir-raba’ edizzjoni tal-“European Youth Week” se ssir f’31 pajjiż madwar l-Ewropa u qed tiġi ċċelebrata għall-ewwel darba f’pajjiżna.
Matul din il-gimgħa ta’attivitajiet se jkunu qed jieħdu sehem xejn anqas minn 63 għaqda (23 NGO u 40 Assoċjazzjoni Sportiva), 20 band lokali: li se jkunu qegħdin joffru 26 laqgħa ta’ diskussjoni, 58 attività sportiva, 25 siegħa ta’ mużika, 5 wirjiet artistiċi u 4 biċċiet xogħol tal-palk.
L-attivitajiet prinċipali sejkunu qed iseħħu f’villaġġ li se jkun qed jittella’ apposta għall-okkażjoni fi Pjazza Ħelsien u l-madwar.  Fil-fatt Pjazza Ħelsien, se tilqa’ fiha id-diskussjonijiet, l-attività sportiva kif ukoll il-bands. Fis-sit tat-Teatru Rjal, se jkun hemm 23 NGO li se jkunu qed jesebixxu l-ħidma tagħhom.
Imbagħad fi Pjazza l-Assedjul-Kbir, quddiem il-Qorti, se jittellgħu wirjiet miż-żgħażagħ bi tradizzjonijiet Maltin. Fil-bini tal-Aġenzija tal-Programmi tal-Unjoni Ewropea, se jkunu qed jittellgħu wirjiet artistiċi oħra kif ukoll wirja ta’ ‘scale modelling’. Il-Kavallier ta’ San Ġakbu se jkun qed jilqa’ wkoll numru ta’ attivitajiet fosthom laqgħat informattivi dwar fondi tal-Unjoni Ewropea.
L-attivitajiet ta’ filgħoduse jkunu indirizzati lejn iż-żgħażagħ tal-iskejjel Sekondarji, Post Sekondarji u dawk Universitarji. L-attivitajiet ta’ filgħaxija se jkunu qed jikkonċentraw madwar il-palk prinċipali b’mużika minn bands lokali, drama u diskussjonijiet.
L-Onor. Clyde Puli ħeġġeġliż-żgħażagħ u lill-pubbliku inġenerali biex jipparteċipaw b’mod attiv matul din il-ġimgħa.
Il-konferenza tal-aħbarijietkienet indirizzata wkoll minn Mauro Pace Parascandalo, il-Koordinatur Nazzjonali għall-Aġenzija tal-Programmi tal-Unjoni Ewropea (EUPA). Hu ta dettalji dwar il-fondi Ewropej u dwar kif din l-attività se tkun qed issir madwar l-Ewropa kollha bil-qofol jintlaħaq fi Brussell matul l-istess ġimgħa. Tliet żgħażagħ Maltin se jkunu qed jirrappreżentaw lil pajjiżna matul l-attivitajiet fi Brussell.
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE HOUSE OF REPRESENTATIVES  Maltese parliamentary delegation participates in the Inter-parliamentary conference on Stability, Economic Coordination and Governance in the EU

PR261983

PRESS RELEASE BY THE HOUSE OF REPRESENTATIVES Maltese parliamentary delega...

FOOD SAFETY AND SECURITY AUTHORITY NOTICE

PR261982en

FOOD SAFETY AND SECURITY AUTHORITY NOTICE

More Press Releases Right arrow