Left arrow Mur Lura

IL-PRESIDENT ITEMM IŻ-ŻJARA F’ĦAD-DINGLI

PR1590
Date Icon 26/10/2008
“Raħal ċkejken iżda b’sens qawwi ta’ identita`”– iddeskriva Ħad-Dingli , il-President Eddie Fenech Adami fi tmien iż-żjara uffiċjali ta’ jumejn flimkien mas-Sinjura Fenech Adami.
Il-President qal li kien pjaċir tiegħu li jżurĦad-Dingli, raħal imsemmi għal veduti u l-għelieqi b’pajsaġġ, b’residenti b’sens ta’ komunita’, riżultat tal-ħidma tal-għaqdiet volontarji u l-Kunsill Lokali. Il-President qal ukoll li l-Kunsilli Lokali taw prova tal-utilita’ tagħom u dan grazzi għall-kunsilliera u s-sindki li jaħdmu b’dedikazzjoni għal ġid tal-lokal.
Il-President u s-Sinjura Fenech Adami dalgħoduhadu sehem fil-quddiesa, fl-istess Parroċċa, u żammew l-użanza illi fiż-żjarat uffiċjali tagħhom jiltaqgħu mar-residenti tal-lokal fuq iz-zuntier għal kafe u pastizzi.
Il-President, akkumpanjat mis-Sindku Ian Borg,iltaqa’ ma numru ta’ personalitajiet fir-raħal, bħal Dun Gwann Abela mwieled f’Ħad Dingli, li għandu 82 sena u li huwa magħruf għall-ħidma pastorali tiegħu fil-parroċċa għal snin sħaħ.  Iltaqa’ ukoll ma’ Angelo Azzopardi li ilu snin dedikat f’Koperattiva tal-Bdiewa Ħad-Dingli u ma’ bidwi ieħor John Micallef. Il-President kien ukoll ippreżentat b’kopja ta’ ritratt tal-fotografu Joseph Smith li għadu kif rebaħ il-premju f’konkors ta’ l-Unjoni Ewropea li ikkomemora s-Sena għad-Djalogu Interkulturali
Is-Sur Azzopardi spjega l-ħidma tal-bdiewafir-raħal agrikolu ta’ Ħad-Dingli  b’motto: “Il-Kwiet tar-raba’ mhux għażżien”. Wara l-President żar lir-ragħaj Joe Muscat, wieħed mill-ftit li baqa’ jidher fil-kampanja, waqt li kien qed jirgħa l-merħla nagħaġ u l-mogħoż tiegħu fl-irdumijiet ta’ Ħad-Dingli  -  xena li saret rari fi gżirijietna.
Il-President żar il-Każin ta’ l-Għaqda MużkaliSanta Marija kif ukoll Ġnien il-Ħaddiem fejn kien hemm iċ-ċkejknin tad-Dingli Swallows Youth Nursery waqt it-taħriġ, kif ukoll l-Iscouts tar-raħal, għaddejjin bl-attivitajiet tagħhom.  B’tifkira taż-żjara tiegħu il-President Fenech Adami ħawwel siġra  fi Ġnien il-Ħaddiem.
IL-President żar ukoll il-Kappella ta’ SantaMaddalena li tinsab fl-idrumiijiet ta’ Ħad-Dingli  u mill-belvedere ta’ biswitha apprezzaw ix-xena tal-irdumijiet u ’l hinn il-baħar Mediterran.
Is-Sinjura Fenech Adami żaret familji, iltaqgħetmal-Girl Guides u wara mal-‘Kummissjoni Djakonija’, li taħdem fost l-anżjani, l-morda u l-familji fil-bżonn.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE HOUSE OF REPRESENTATIVES  Maltese parliamentary delegation participates in the Inter-parliamentary conference on Stability, Economic Coordination and Governance in the EU

PR261983

PRESS RELEASE BY THE HOUSE OF REPRESENTATIVES Maltese parliamentary delega...

FOOD SAFETY AND SECURITY AUTHORITY NOTICE

PR261982en

FOOD SAFETY AND SECURITY AUTHORITY NOTICE

Aktar Stqarrijiet Right arrow