Left arrow Mur Lura

NINVESTU GĦAL-LUM U GĦALL-ĠEJJIENI TIEGĦEK

PR1578
Date Icon 24/10/2008
Is-Segretarju Parlamentari għall-KonsultazzjoniPubblika u Informazzjoni Chris Said qal li l-Unjoni Ewropea ma tfissirx biss fondi. Il-Fondi Struttrurali tal-UE ifissru wkoll żvilupp ekonomiku u soċjali.  Il-fondi strutturali wasslu għal riżultati viżibbli u permezz ta’ din l-esebizzjoni kulħadd se jkun jista’ jara kif il-proġetti u l-inizjattivi li saru fil-perjodu 2004-2006 tejbu l-kwalità tal-ħajja tal-Maltin u l-Għawdxin.
Permezz tal-fondi mill-Unjoni Ewropea għas-snin2004 u 2006, Malta diġà wettqet aktar minn 80 proġett differenti.  Dawn jinkludu:

·        Inizjattivi ambjentali fosthom it-tpoġġija ta’ kontenituri f’lokalitajiet differenti għal skart separat; faċilitajiet ġodda għar-rimi ta’ skart goff biex imbagħad jiġi riċiklatt; il-bidu tar-rijabilitazzjoni tal-Magħtab

·        Toroq arterjali ġodda f’Malta u f’Għawdex

·        Aktar faċilitajiet fil-kwartier tal-Korporazzjoni tax-Xogħol u Taħriġ

·        Għexieren ta’ korsijiet għan-nisa, għaż-żgħażagħ u għall-ħaddiema li fihom ipparteċipaw aktar minn 11,000 persuna

·        Bini u għajnuna għall-child care centres

·        Għajnuna finanzjarja lill-bdiewa, raħħala u sajjieda

·        Bini mill-ġdid tal-Istitut għall-Istudji Turisitiċi f’Għawdex, u

·        Aktar faċilitajiet fl-MCAST

Chris Said qal li dawn il-proġetti tejbul-ambjent u l-infrastruttura tal-pajjiż fost l-oħrajn fl-oqsma tat-trasport, edukazzjoni u turiżmu.
Il-proġetti għenu wkoll biex jinħoloq aktarxogħol u jkollna workforce aktar kompetittiva u mħarrġa.  L-Onor. Chris Said kompla jgħid li flimkien ma’ dan, il-fondi strutturali għenuna nsaħħu s-setturi tal-agrikoltura u s-sajd.
Grazzi għal dawn il-fondi kien hemm aktar minn390 intrapriża li bbenefikaw minn skemi ta’ għajnuna diretta u minn titjib fiż-żoni industrijali.
Is-Segretarju Parlamentari għall-KonsultazzjoniPubblika u Informazzjoni qal li fl-erba’ snin li għaddew ġew implimentati 87 proġett li kienu kofinanzjati mill-Fondi Strutturali tal-U.E. b’investiment totali ta’ 86.5 miljun Ewro.
Ma’dawn kien hemm tliet proġetti ambjentali kofinanzjati mill-Fond ta’ Koeżjoni b’investiment ta’ 28.5 miljun Ewro.
Chris Said qal li minkejja li sar ħafna,il-Gvern mhux ser jieqaf hawn u diġà hemm 33 proġett ieħor approvat taħt il-budget tal-U.E. 2007-2013.  Fix-xhur li ġejjin se jiġu approvati aktar proġetti u fil-perjodu 2007-2013 Malta se tieħu 855 miljun Ewro bħala għajnuna mill-U.E.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR HOME AFFAIRS AND SECURITY  Minister Bedingfield stresses the importance of prevention and cooperation in strengthening fire safety

PR261981en

PRESS RELEASE BY THE MINISTRY FOR HOME AFFAIRS AND SECURITY Minister Bedin...

STQARRIJA MILL-MINISTERU GĦALL-INTERN U S-SIGURTÀ  Il-Ministru Bedingfield jisħaq fuq l-importanza tal-prevenzjoni u l-kollaborazzjoni biex tissaħħaħ is-sigurtà kontra n-nirien

PR261981

STQARRIJA MILL-MINISTERU GĦALL-INTERN U S-SIGURTÀ Il-Ministru Bedingfield ...

Aktar Stqarrijiet Right arrow