PERFORMANCE AUDIT: STRUCTURAL FUNDS – ENVIRONMENTAL PROGRAMME
PR1556
22/10/2008
| L-Awditur Ġenerali rrapporta lill-Parlament li | proġetti li jħarsu l-ambjent kienu ffinanzjati minn fondi nazzjonali u mill-fond Ewropew għall-Iżvilupp Reġjonali (ERDF), li jagħmel parti mill-Fondi Strutturali li ġew allokati lil Malta għall-perjodu 2004-2006, kienu ġeneralment implimentati b’mod tajjeb. Ir-rapport ta’ l-Awditur Ġenerali jgħid ukoll li kien hemm il-mekkaniżmi addattatti biex jiżguraw riżultati pożittivi bl-implimentazzjoni tal-miżuri ambjentali. |
| Dan il-performance audit | sar fl-istess żmien m’oħrajn li kienu qed isiru minn 14-il Stat Membru ieħor ta’ l-Unjoni Ewropea. Din il-verifika kellha żewġ għanijiet prinċipali. L-ewwel għan kien li jiġi stabbilit sa fejn il-Fondi Strutturali, allokati għall-perjodu 2004 – 2006, kienu mplimentati u osservati biex jiżguraw suċċess sostenibbli tal-miżura ffinanzjata. It-tieni għan kien li jiġi stabbilit jekk il-problemi li nqalgħu waqt l-implimentazzjoni tal-Programm 2004 – 2006 kinux indirizzati b’mod li ma jerġgħux jinqalgħu waqt l-implimentazzjoni tal-Programm 2007 – 2013. L-Uffiċċju Nazzjonali tal-Verifika (NAO) ibbaża il-konkluzjonijiet tiegħu fuq ħames proġetti mis-sebgħa li ġew imwettqa. L-ispiża tal-ħames proġetti eżaminati kienet ta’ EUR 9,831,789. Din l-ispiża tammonta għal madwar 35 fil-mija tal-fondi allokati għal skopijiet ambjentali mill-ERDF għall-perjodu 2004 -2006. |
| L-għan prinċipali tal-fondi allokati | għall-miżura ambjentali għall-perjodu 2004 – 2006 kien biex permezz tagħhom is-sitwazzjoni ambjentali f’pajjiżna titjieb. L-ewwel fażijiet ta’ l-implimentazzjoni tal-Programm ta’ Fondi Strutturali kien l-ippjannar ta’ kif ser jintleħqu l-għanijiet tiegħu u l-għażla tal-proġetti li kellhom jitwettqu. Mill-verifika li saret instab li kien hemm rabta diretta bejn l-għanijiet primarji li kellhom jintleħqu b’dawn il-fondi u l-problemi ambjentali ta’ Malta. Aktar minn hekk, il-kriterji li bihom ingħażlu l-proġetti, wara sejħa għall-applikazzjonijiet, ukoll kienu maħsuba biex jgħinu jintleħqu l-għanijiet prinċipali tal-miżura ambjentali |
| L-applikazzjonijiet għall-proġetti pprovdew | l-informazzjoni mitluba kif ukoll feasibility studies fuq ir-riżultati li dawn il-proġetti kellhom jilħqu. Il-ħames proġetti eżaminati mill-NAO kellhom bżonn 14-il addenda għall-Letter of Offer of Grant relattiva minħabba bidliet dwar il-finanzjarjament, l-iskeda jew xi aspetti oħra tal-proġett. |
| Il-proċeduri li ntużaw kemm mid-Dipartiment | tal-Kuntratti u minn entitajiet responsabbli mill-implimentazzjoni tal-proġett, ġeneralment għenu biex jiżguraw li l-għanijiet tal-miżura ambjentali jintleħqu. Dan seta jsir minħabba li l-evalwazzjoni tal-progress u r-riżultati tal-proġett kienu koperti bi klawsoli magħmula apposta fil-kuntratti. Madanakollu teżisti opportunita’ biex jitnaqqas iż-żmien li l-Final Beneficiaries jieħdu biex jeżaminaw l-offerti għall-proġetti. Dal-proċess ħa medja ta’ madwar 60 fil-mija tal-ħin soltu meħud biex jingħata kuntratt. Li proġetti jitwettqu fiż-żmien skedat huwa ta’ importanza kbira fid-dawl li f’każ ta’ dewmien żejjed f’għoti tal-kuntratti jista’ jwassal biex Malta titlef xi Fondi Strutturali. |
| Il-qafas ta’ monitoraġġ u rappurtaġġ dwar | l-implementazzjoni tal-Programm tal-Fondi Strutturali huwa skont dak li titlob l-Unjoni Ewropea. Dan il-qafas jiżgura u jinkoraġixxi li l-informazzjoni addattata dwar dawn il-miżuri li qed ikunu implimentati tasal fid-diversi livelli responsabbli mill-monitoraġġ. |
| Ħlief għal xi aspetti li jolqtu l-għoti | tal-kuntratti, numru ta’ nuqqasijiet li dehru waqt l-implimentazzjoni tal-Programm għall-2004 - 2006 ġew indirizzati tajjeb. Għal perjodu 2007 - 2013, il-kunċett tas-sostenibilita’ għandu rwol iżjed prominenti fl-għażla tal-proġetti. Saru bidliet ukoll fil-proċess ta’ kif toħroġ is-sejħa għall-applikazzjonijiet u s-sistemi ta’ monitoraġġ. |
Stqarrijiet Oħra:
PR261981en
PRESS RELEASE BY THE MINISTRY FOR HOME AFFAIRS AND SECURITY Minister Bedin...
PR261981