Left arrow Mur Lura

Il-Ministeru għal Għawdex f’konsultazzjoni mas-Sindki Għawdxin dwar Eko-Għawdex

PR1529
Date Icon 20/10/2008
Il-Ministru għal Għawdex, l-Onor. GiovannaDebono flimkien ma’ uffiċċjali fil-Ministeru għal Għawdex li qed jaħdmu fuq il-proġett ta’ Eko-Għawdex, kellhom laqgħa mas-Sindki tal-Kunsilli Lokali Għawdxin bħala parti mill-proċess ta’ konsultazzjoni pubblika dwar il-viżjoni tal-Gvern li Għawdex isir gżira ekoloġika.
Fl-introduzzjoni tagħha għal din il-laqgħail-Ministru għal Għawdex esprimiet is-sodisfazzjon tagħha għar-rispons pożittiv li kien hemm minn diversi setturi Għawdxin u individwi għal din il-proposta. Hija kompliet tgħid li l-impenn u l-interess li ntwera minn dawn l-entitajiet u individwi ser iwassal biex l-istrateġija li ser tiġi mfassla tkun tinkludi perspettiva wiesgħa ta’ opinjonijiet li għandhom iwasslu għas-suċċess ta’ dan il-proġett ambizzjuż li ser ikun jinkorpora l-aspetti ekonomiċi u soċjali, flimkien ma’ dawk ambjentali.
Il-Ministru Giovanna Debono, faħħretl-inizjattivi li qed jieħdu bosta Kunsilli Lokali Għawdxin u saħqet li huwa għalhekk li l-impenn tagħhom huwa wkoll meħtieġ fit-tfassil u l-implimentazzjoni ta’ dan il-proġett ambizzjuż li jrid jilħaq il-milja tiegħu fit-twettiq tal-Viżjoni tal-Gvern għal Għawdex li għandha l-għan li tbiddel il-gżira ta’ Għawdex f’realtà sostenibbli b’mod partikolari f’dak li għandu x’jaqsam mal-lokalitajiet rispettivi.
Dawk preżenti setgħu jsegwu preżentazzjoni dwaril-viżjoni Eko-Għawdex li fetħet id-diskussjoni dwar diversi aspetti. Fost l-oħrajn ġiet diskussa l-possibiltà tat-twaqqif ta’ Eco-Groups, fi ħdan il-Kunsilli Lokali, bil-għan li dawn ikunu jistgħu jippromwovu l-kunċett ta’ żvilupp sostenibbli fil-komunità. Tqajmu wkoll diversi punti oħra konnessi ma’ diversi temi partikolari relatati ma’ lokalitajiet differenti Għawdxin.
Kien interessanti l-fatt li dawk preżenti kollhaqablu li l-Kunsilli Lokali għandhom jikkollaboraw b’mod ħolistiku billi l-istrateġija li ser tinħareġ fuq livell reġjonali tiġi adottata anke fuq livelli lokali. Il-Kunsilli Lokali għandhom potenzjal li jwasslu l-messaġġ lir-residenti fil-lokalitajiet rispettivi tagħhom anke fl-ambitu tal-kunċett li għalih twaqqfu dawn il-Kunsilli, jiġifieri dik li jkunu riżorsa politika qrib iċ-ċittadin. Ġie suġġerit ukoll li kull Kunsill iwettaq proġetti li jkunu eko-sensittivi li finalment jgħinu biex il-viżjoni eko-Għawdex tiġi mwettqa.  Barra minn hekk ġiet diskussa wkoll il-proposta ta’ villaġġ pilota.
Il-Ministru għal Għawdex ħabbret li qegħda tiġippjanata kampanja edukattiva li permezz tagħha ser isiru żjajjar minn persuni mħarrġa biex jgħaddu aktar informazzjoni f’kull dar f’Għawdex. Din il-kampanja informattiva ser tiġi mwettqa b’kollaborazzjoni mal-kumpanija Wasteserve u permezz tagħha ser jiġu mfissra miżuri sempliċi li jistgħu jittieħdu miċ-ċittadini li jirriżultaw f’użu aħjar ta’ l-enerġija, miżuri tajbin għall-immaniġjar ta’ l-iskart  u prattiċi tajbin oħra li jwasslu għal kwalita’ ta’ ħajja aħjar.

Il-konsultazzjoni dwar eko-Għawdex, li tnediet f’Lulju li għadda, għandha l-għan li tagħti l-opportunità lil kulħadd biex jagħti sehemu permezz ta’ ideat u suġġerimenti. Minbarra li tqassmet pubblikazzjoni relattiva f’kull dar, inġabru numru konsiderevoli ta’ kontribuzzjonijiet min-naħa tal-pubbliku, kemm permezz tal-posta kif ukoll fuq is-sit elettroniku www.eco-gozo.gov.mt, li ġie mwaqqaf apposta. Din il-konsultazzjoni qed tkompli tissaħħaħ permezz ta’ laqgħat ma’ entitajiet mhux governattivi u għaqdiet oħra u nies esperti f’oqsma relatati ma’ dan il-kunċett.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE MINISTRY FOR HOME AFFAIRS AND SECURITY  Minister Bedingfield stresses the importance of prevention and cooperation in strengthening fire safety

PR261981en

PRESS RELEASE BY THE MINISTRY FOR HOME AFFAIRS AND SECURITY Minister Bedin...

STQARRIJA MILL-MINISTERU GĦALL-INTERN U S-SIGURTÀ  Il-Ministru Bedingfield jisħaq fuq l-importanza tal-prevenzjoni u l-kollaborazzjoni biex tissaħħaħ is-sigurtà kontra n-nirien

PR261981

STQARRIJA MILL-MINISTERU GĦALL-INTERN U S-SIGURTÀ Il-Ministru Bedingfield ...

Aktar Stqarrijiet Right arrow