IL-GVERN F’ĦIDMA BIEX JGĦIN L-INVESTIMENT FIT-TEKNOLOĠIJA U BIEX DIN ISSIR AKTAR AĊĊESSIBBLI
pr1492
14/10/2008
| “Il-Gvern hu impenjat li jkompli jagħti l-għodda | neċessarja u l-inċentivi li hemm bżonn biex jissokta l-investiment fis-settur tat-teknoloġija. Għalhekk ressaq talba quddiem il-Kummissjoni Ewropea biex filwaqt li tikkunsidra l-iżvantaġġi ġeografiċi ta’ Malta bħala gżira, tippermetti lill-Gvern Malti jkun jista’ jgħin lill-privat permezz ta’ inċentivi ħalli tissaħħaħ il-konnettivita’ internazzjonali. |
| Dan qalu Austin Gatt, il-Ministru | għall-Infrastruttura, Trasport u Komunikazzjoni waqt żjara li għamel lill-kumpanija Vodafone. F’din iż-żjara saret preżentazzjoni tal-Wireless Digital Citizenship Network Project li hu parti mill-programm INTEREG iffinanzjat mill-Unjoni Ewropea. |
| Hu żied li l-Gvern lest li jkompli jgħin biex | isir l-investiment meħtieġ għax minnu jgawdi l-konsumatur. Dan minħabba li jkollu aktar aċċessibbilta għal aktar servizzi ġodda u li fl-istess waqt servizzi bħal dawn tant huma meħtieġa biex pajjiżna jibqa’ fuq quddiem f’dawk li huma servizzi marbuta mat-teknoloġika.” |
| Il-Ministru Gatt żied li l-konnettivita | internazzjonali hi l-ħajja għall-ekonomija l-ġdida li qiegħed jiġbed lejh il-pajjiż u għalhekk hu meħtieġ li dan is-servizz ikun ta’ l-aħjar kwalita u mill-aktar effiċjenti. |
| Meta rrefera għall-Wireless Digital | Citizenship Network Project, il-Ministru għall-Infrastruttura, Trasport u Komunikazzjoni qal li l-kumpanija Vodafone qed tkun konformi wkoll mal-politika tal-Gvern li jagħmel minn Għawdex gżira ekoloġika. Hu semma kif permezz ta’ dan il-proġett internazzjonali li fih qed jieħdu sehem komunitajiet Għawdxin qed jitwasslu servizzi bla fili, u allura dan ukoll qed jagħti kontribut f’din id-direzzjoni li l-Gvern għandu għal Għawdex. |
| Il-Ministru Austin Gatt qal li dan il-proġett | qed jieħdu sehem fih ukoll komunitajiet iżolati fl-Italja, fil-Greċja u fl-Eġittu u hu mmirat biex ikunu sfruttati l-mezzi teknoloġiċi possibbli u fl-istess waqt jgħin aktar komunitajiet jaċċessaw it-teknoloġija ta’ l-informazzjoni. Hu semma kif il-Wireless Digital Citizenship Network Project hu wkoll parti mill-mira strateġika tal-Gvern li jippromovi u jiffaċilita l-aċċess għall-WiFi u l-WiMAX lill-pubbliku. |
| Hu fakkar kif is-sena li għaddiet, il-Gvern | nieda l-inizjattiva BlueSkies li ssarrfet biex mal-5,600 persuna rreġistraw biex ikollhom aċċess għas-servizz tal-broadband. Il-Ministru Austin Gatt temm li l-ħidma tal-gvern se tibqa’ tkun fid-direzzjoni biex ikompli jinfirex l-aċċess għas-servizzi tat-teknoloġija. |
Stqarrijiet Oħra:
PR261981en
PRESS RELEASE BY THE MINISTRY FOR HOME AFFAIRS AND SECURITY Minister Bedin...
PR261981