Left arrow Go Back

L-ONOR. CHRIS SAID, SEGRETARJU PARLAMENTARI GĦALL-KONSULTAZZJONI PUBBLIKA U INFORMAZZJONI ILTAQGĦA MAL-PRESIDENT TAL-KUMITAT TAR-REĠJUNI TAL-UNJONI EWROPEA LUC VAN DEN BRANDE

pr1452
Date Icon 08/10/2008
Is-Segretarju Parlamentari għall-KonsultazzjoniPubblika u Informazzjoni Chris Said kellu laqgħa mal-President tal-Kumitat tar-Reġjuni tal-Unjoni Ewropea Luc Van den Brande fl-uffiċċju tal-Kumitat tar-Reġjuni fi Brussell.
Matul din il-laqgħa gew diskussi diversi temirelatati mal-gvern lokali f' Malta u l-ħidma tar-rappreżentanti Maltin fil-Kumitat tar-Reġjuni.
Dr Chris Said kellu l-okkażjoni li jfisser lill-PresidentVan den Brande dwar il-proċess ta' konsultazzjoni li għaddej u kif dan għandu jwassal sabiex issir riforma fil-qasam tal-Kunsilli Lokali bl-iskop li dawn jissaħħu u jaħdmu biex jassiguraw lokalitajiet sostenibbli.
Ġiet diskussa wkoll il-ħidma tal-ħamesrappreżentanti Maltin fil-Kumitat tar-Reġjuni tal-Unjoni Ewropeja.  L-Onor. Said qal li Malta tagħti ħafna importanza lix-xogħol li jitwettaq fil-Kumitat tar-Reġjuni u toffri s-support kontinwu lill-membri li jirrapreżentaw lil Malta.  Minn naħa tiegħu l-President Van den Brande wera s-sodisfazzjon tiegħu għal mod attiv li biħ jipparteċipaw fil-ħidma tal-Kumitat tar-Reġjuni r-rappreżentanti Maltin.  Ingħatat ħarsa wkoll lejn is-sehem ta' dawn ir-rappreżentanti fuq diversi kummissjonijiet tal-Kumitat tar-Reġjuni.
Is-Segretarju Parlamentari ddiskutamal-President tal-Kumitat tar-Reġjuni proposti dwar kif tista' tigi komunikata aħjar liċ-ċittadini Maltin u Għawdxin il-ħidma li tkun qed titwettaq mill-Kumitat tar-Reġjuni.
Fl-istess laqgħa ġew diskussi diversi temi oħrafosthom il-possibilta' li Malta jkollha sitt rappreżentanti flok ħamsa f' dan il-Kumitat u kif dan jista' jwassal għal ħidma aħjar.  Il-President Van den Brunde tkellem ukoll dwar id-dimensjoni territorjali tal-Proċess ta' Barċellona u l-bżonn li titwaqqaf assemblea regjonali ewro-meditterranja.
Fl-aħħarnett is-Segretarju Parlamentari Saidstieden lil President tal-Kumitat tar-Regjuni sabiex iżur Malta fejn ikollu l-okkażjoni li jfisser aħjar il-ħidma ta' din l-istituzzjoni importanti tal-Unjoni Ewropea kif ukoll jevalwa l-proċess ta' riforma li għaddej fil-qasam tal-Kunsilli Lokali.
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR HOME AFFAIRS AND SECURITY  Minister Bedingfield stresses the importance of prevention and cooperation in strengthening fire safety

PR261981en

PRESS RELEASE BY THE MINISTRY FOR HOME AFFAIRS AND SECURITY Minister Bedin...

STQARRIJA MILL-MINISTERU GĦALL-INTERN U S-SIGURTÀ  Il-Ministru Bedingfield jisħaq fuq l-importanza tal-prevenzjoni u l-kollaborazzjoni biex tissaħħaħ is-sigurtà kontra n-nirien

PR261981

STQARRIJA MILL-MINISTERU GĦALL-INTERN U S-SIGURTÀ Il-Ministru Bedingfield ...

More Press Releases Right arrow