Left arrow Go Back

Għawdex ifakkar il-50 sena mit-Trattat ta’ Ruma kif ukoll it-3 anniversarju tas-sħubija ta’ Malta fl-Unjoni Ewropea

PR0627
Date Icon 02/05/2007

Il-Kunsill tal-Kultura f’Għawdex qed jorganizza attivitajiet bħala tifkira ta’ żewġ avvenimenti b’konnessjoni ma’ l-Unjoni Ewropea. Din is-sena jaħbat il-ħamsin anniversarju minn meta ġie iffirmat it-trattat ta’ Ruma li bih ġiet imwaqqfa l-Unjoni Ewropea kif ukoll it-tielet sena minn meta Malta issieħbet bħala membru ta’ l-Unjoni. Dawn l-attivitajiet ser jittellgħu fi ħdan il-Ministeru għal Għawdex fi tmiem din il-ġimgħa.  

Is-Sibt 5 ta’ Mejju 2007 ser tittella’ lejla ta’ mużika u ċelebrazzjoni għaż-żgħażagħ bil-parteċipazzjoni ta’ ħames gruppi mużikali Għawdxin li ser idoqqu mużika fuq stil pop u rock mis-snin tmenin u aktar riċenti. Dawn il-gruppi li ser jagħtu kunċert ta’ madwar siegħa kull wieħed, jinkludu ‘StraightAhead’, ‘Purple Haze’, ‘Mistaken Identity’, ‘The Broadcasters’ u ‘Sunstroke’. L-attivita’, li ser tittella’ fuq palk miftuħ fi Pjazza Indipendenza fir-Rabat, ser tibda fit-8.30 p.m. 

L-attivita’ l-oħra hija tal-Ħadd 6 ta’ Mejju 2007 fejn il-banda La Stella tar-Rabat Għawdex ser tagħti kunċert filarmoniku fi Pjazza Indipendenza fis-7.30 ta’ filgħaxija. Il-Banda La Stella, ser iddoqq selezzjoni ta’ siltiet mużikali popolari taħt id-direzzjoni tas-surmast direttur tagħha Mro. Joseph Vella, wara li tkun daqqet ukoll f’marċ madwar it-toroq prinċipali tal-belt Victoria.  

Il-Prim Ministru Dr Lawrence Gonzi mistenni jattendi għal din l-okkażjoni.  

Kulħadd huwa mistieden biex jattendi għal dawn l-attivitajiet li d-dħul għalihom huwa b’xejn.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  Il-Prim Ministru Robert Abela jinawgura investiment ta’ €50 miljun f’San Ġiljan

PR261960

STQARRIJA MILL-UFFIĊĊJU TAL-PRIM MINISTRU Il-Prim Ministru Robert Abela ji...

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

More Press Releases Right arrow