Left arrow Go Back

IĊ-ĊENTRU GĦAWDXI TA’ L-ARTI U L-ARTIĠJANAT WISTIN CAMILLERI JIPPARTEĊIPA F’WIRJA INTERNAZZJONALI TAL-BIZZILLA

PR0548
Date Icon 18/04/2007

Rappreżentanti miċ-Ċentru Għawdxi ta’ l-Arti u l-Artiġjanat Wistin Camilleri riċentament irritornaw lura lejn Għawdex wara li pparteċipaw f’wrija internazzjonali tal-bizzilla li kienet organizzata fi Spanja. Pajjiżi oħra li ħadu sehem f’din il-wirja kienu Franza, l-Italja, l-Ingilterra, l-Indja u l-Kanada. 

Xogħlijiet tal-bizzilla Għawdxija kienu għal wiri fuq stand li kien mgħammar b’diversi artikli ta’ bizzilla tradizzjonali kif ukoll kontemporanja, inkluż il-bizzilla li tiġi wżata fi ħwejjeġ tal-moda. Intwerew ukoll oġġetti relatati mal-ħidma ta’ dan ix-xogħol artiġjanali bħal ċombini ta’ l-injam u oġġetti oħra. Għall-ewwel darba ċ-ċertifikat ‘Made in Gozo’ kien mehmuż ma’ l-esebiti kollha. Dan iċ-ċertifikat, mniedi mill-gvern is-sena li għaddiet, jiċċertifika l-ġenwinita’ ta’ l-oriġini ta’ dawn il-prodotti lokali. Uħud minn dawn l-esebiti kienu jinkludu xogħol li bħalissa qed jiġi mgħallem fil-korsijiet tal-bizzilla li qed jiġu offruti fiċ-Ċentru Għawdxi ta’ l-Arti u l-Artiġjanat Wistin Camilleri permezz tal-Fond Soċjali Ewropew u l-Ministeru għal Għawdex. 

Minn barra xogħlijiet fil-bizzilla ġie pprovdut ukoll materjal ta’ informazzjoni bil-lingwa Spanjola kif ukoll Ingliża. Ġew imqassma wkoll pastini tradizzjonali tal-lewż, magħrufa bħala bankunċini, lil dawk kollha li żaru lil din l-istand. Ħafna kienu dawk li ġew impressjonati bil-livell tax-xogħol esebit b’attenzjoni partikolari tiġi mgħotija lil dawk l-artikli li kellhom id-disinn tas-salib ta’ Malta. Din l-inizjattiva kienet possibli bl-għajnuna tal-Ministeru għal Għawdex kif ukoll tal-Kunsill Malti għall-Artiġjanat.  

Bħalissa għaddej xogħol intensiv fuq proġett ko-finanzjat mill-Unjoni Ewropeja ta’ estensjoni fuq l-istess Ċentru Għawdxi ta’ l-Arti u l-Artiġjanat Wistin Camilleri kif ukoll il-proġett tal-bini ta’ Crafts Incubation Centre biex jinkoraġġixi aktar nies tas-sengħa jkunu mħajra jiftħu attivita’ għal rashom f’dan il-qasam, u b’hekk jikkontribwixxu dejjem iktar fl-iżvilupp ta’ l-ekonomija ta’ Għawdex.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

More Press Releases Right arrow