Xogħlijiet f’Żoni turistiċi
Il-Ministeru għat-Turiżmu u Kultura dalgħodu ġie infurmat li bdew jitwettqu xogħlijiet ta’ tħaffir ta’ trinek mill-Korporazzjoni Enemalta f’zona turistika li fiha hemm numru ta’ lukandi. Hekk kif sar jaf b’dawn ix-xogħlijiet, il-Ministeru intervjena sabiex jassigura li l-inkonvenjent lill-operaturi tal-lukandi u lir-residenti ikun minimizzat.
Il-Ministeru għat-Turiżmu u Kultura qed jesiġi li s-sidien tal-lukandi għandhom jiġu avżati bil-quddiem kull meta jkunu ser isiru xogħlijiet maġġuri fiz-zona qrib il-lukanda tagħhom. Dan sabiex huma jkunu jistgħu jwettqu l-obbligu kuntrattwali li għandhom ma’ l-operaturi turistiċi u javżaw bil-quddiem kull meta jkunu ser isiru xogħlijiet infrastrutturali madwar u fil-lukandi.
Intant il-kuntrattur li qed iwettaq dawn ix-xogħlijiet ingħata struzzjonijiet sabiex jassigura:
· li l-lukandi jkollhom aċċess kemm għar-residenti kif ukoll għal dawk li jridu jagħtu servizz lil-lukandi,
· li jsir tindif waqt li jkunu għaddejjin ix-xogħlijiet u
· li jitqiegħdu sinjali ċari għall-pubbliku fl-inħawi tax-xogħlijiet.
Il-Ministeru għat-Turiżmu u Kultura qed iżomm kuntatt kontinwu kemm mal-lukandiera kif ukoll mal-Korporazzjoni Enemalta.
Stqarrijiet Oħra:
PR261959en
PRESS RELEASE BY THE OFFICE OF THE SPEAKER The Speaker of the House of Rep...
PR261959