Left arrow Go Back

L-AMBAXXATUR TA’ MALTA GĦAL SAN MARINO JIPPREŻENTA L-KREDENZJALI

PR0502
Date Icon 05/04/2007

Nhar il-31 ta’ Marzu 2007, Walter Balzan ippreżenta l-kredenzjali tiegħu bħala l-Ambaxxatur ta’ Malta, lill-Eċċellenzi tagħhom, Antonio Carattoni u Roberto Giorgetti,  il-Kapitani Regenti tar-Repubblika ta’ San Marino. 

F’diskors li għamel fil-bidu taċ-ċerimonja, is-Segretarju ta’ l-Istat għall-Affarijiet Barranin, l-Onorevoli Fiorenzo Stolfi, fost oħrajn, irrikonoxxa l-progress li sar fl-aħħar snin fir-relazzjonijiet bilaterali bejn iż-żewġ Stati u għamel riferenza speċifika għall-ftehim milħuq dwar l-eżenzjoni ta’ taxxa doppja kif ukoll skambji ta’ delegazzjonijiet kummerċjali bl-iskop li jiġu konsidrati opportunitajiet ġodda ta’ investiment. L-Onor. Stolfi rrefera wkoll għal kif Malta ddistingwiet ruħha bħala post ideali għal-iżvilupp fis-servizzi finanzjarji u fit-teknoloġija ta’ l-informatika. 

Filwaqt li wassal it-tislijiet tal-President Fenech Adami, tal-Prim Ministru Lawrence Gonzi u tal-Ministru ta’ l-Affarijiet Barranin Michael Frendo, l-Ambaxxatur Balzan tkellem dwar ir-relazzjonijiet eċċellenti li jeżistu bejn iż-żewġ Stati, kif ġeneralment riflessi fil-pożizzjonijiet komuni li jittieħdu u fl-appoġġ li jagħtu lill-xulxin f’fora internazzjonali partikolarment fin-Nazzjonijiet Uniti, fil-Kunsill ta’ l-Ewropa u fl-Organizazzjoni għas-Sigurtà u Kooperazzjoni fl-Ewropa.  

Permezz tar-realtà ġdida bħala Stat Membru ta’ l-Unjoni Ewropea, Malta qed tassumi aktar responsabilità u rilevanza fil-bini ta’ Ewropa aktar b’saħħitha partikolarment bil-rwol attiv tagħha fil-politika Ewro Mediterranea. 

Matul iż-żjara tiegħu fir-Repubblika ta’ San Marino, l-Ambaxxatur Balzan kellu wkoll laqgħat separati mas-Segretarju ta’ l-Istat għall-Affarijiet Barranin, l-Onor. Stolfi, mas-Segretarju ta’ l-Istat għall-Industrija, Artiġjanat u Kooperazjoni Ekonomika, l-Onor. Tito Masi, mal-President tal-Kamra tal-Kummerċ, Enzo Donald Mularoni u ma’ l-Ambaxxatriċi ta’ San Marino għall-Malta Alessandra Albertini.   

Matul l-istess laqgħat kienu diskussi diversi modi kif jistgħu jkomplu jissaħħu r-relazzjonijiet bejn iż-żewġ Stati f’diversi oqsma.

Fl-1 ta’ April 2007, l-Ambaxxatur Balzan, flimkien mal-membri tal-Korp Diplomatiku, attenda għaċ-ċerimonja tal-ġurament tal-Kapitani Reggenti l-ġodda ta’ San Marino, Alessandro Rossi u Alessandro Mancini.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

More Press Releases Right arrow