Il-ViĊi Prim Ministru Tonio Borg fi New Zealand
Il-Viċi Prim Ministru u Ministru tal-Ġuztizzja u l-Intern, l-Onor. Tonio Borg kellu laqgħa mal-Prim Ministru ta` New Zealand Helen Clarke. Din il-laqgħa saret waqt il-Konferenza tal-Commonwealth dwar il-Gvern Lokali li ssir kull sentejn.
Il-Viċi Prim Ministru qed jirrappreżenta lill-Prim Ministru Lawrence Gonzi f`din il-Konferenza billi Malta għandha il-Presidenza tal-Commonwealth sa l-aħħar tal-2007.
Matul il-laqgħa gew diskussi metodi kif iż-żewg pajjiżi jistgħu jgħinu iktar lil xulxin f`fora internazzjonali, fl-Unjoni Ewropea u fil-Commonwealth. Saret referenza wkoll għall-possibilta` ta` bdil ta` studenti u ħaddiema bejn iż-żewġ pajjiżi u n-negozjar ta’ ftehim dwar sigurta` soċjali bejn iż-żewg pajjiżi.
Il-Viċi Prim Ministru Borg indirizza l-Konferenza fil-bidu tagħha. Fid-diskors tiegħu huwa saħaq fuq il-progress li sar fil-qasam tal-Gvern Lokali f`Malta u kif il-kunsilli lokali kienu saħħew it-tixrid tat-teknologija ta` informatika fuq livell lokali.
Stqarrijiet Oħra:
PR261959en
PRESS RELEASE BY THE OFFICE OF THE SPEAKER The Speaker of the House of Rep...
PR261959