Left arrow Mur Lura

Ħinijiet tal-ftuħ tal-ħwienet f’żoni turistiċi għall-perjodu tas-Sajf

PR0430
Date Icon 26/03/2007

Wara l-emendi li daħlu fis-seħħ fl-1 ta’ Jannar 2006, is-Segretarju Parlamentari għan-Negozji Żgħar u s-Self Employed, Edwin Vassallo, xtaq ifakkar li l-perjodu tal-bejgħ fis-Sajf (Summer Period) beda mill-1 ta’ Marzu u jibqa’ sejjer sal-31 ta’ Ottubru 2007. 

In-negozji li jistgħu jiftħu fiż-żoni turistiċi fil-perjodu tas-Sajf, jiġifieri mill-1 ta’ Marzu sal-31 ta’ Ottubru mis-6.00 a.m. sal-11.00 p.m., huma dawk in-negozji li l-aktar li jbiegħu: 

            (a)               Xarbiet, ħelu u prodotti tat-tabakk; jew
(b)              Ħut u molluski; jew
(c)              Arloġġi ta’ l-idejn, arloġġi tal-mejda u ġojjellerija; jew
(d)              Souveniers u oġġetti ta’ xogħol tas-snajja; jew
(e)              Kotba, gazzetti, kartolerija u oġġetti ta’ l-uffiċċju; jew
(f)               Oġġetti tal-fwieħa; jew
(g)              Tagħmir għall-għawm u għadis; jew
(h)              Oġġetti ta’ preċiżjoni fotografiċi, ottiċi u dawk ralatati  

Dawn il-ħwienet jistgħu jiftħu kemm-il darba jinsabu f’dawn il-lokalitajiet: 

Malta

Belt Valletta
Birgu
Birżebbuġa
Bormla
Floriana
Gzira
Isla
Marsaskala
Marsaxlokk
Mdina
Mellieħa
Msida
Rabat
San Ġiljan
San Pawl il-Baħar
Sliema
Swieqi
Ta’ Qali, il-Villaġġ tas-Snajja fil-lokalita’ Attard
Ta’ Xbiex
Wied iż-Żurrieq, fil-lokalita’ Qrendi 

Għawdex

Marsalforn u Qbajjar, fil-lokalita’ Żebbuġ
Mġarr
Rabat
Ta’ Dbieġi, il-Villaġġ tas-Snajja fil-lokalita’ Għarb
Xlendi 

F’dawn il-lokalitajiet ukoll, għal dan il-perjodu tas-Sajf, ħwienet li l-aktar li jbiegħu prodotti ta’ ikel (li huma magħrufa aħjar bħala grocers) u li ma jkoprux aktar minn 350 metru kwadru ta’ spazju jistgħu jiftħu nhar ta’ Ħadd u fi btajjel pubbliċi mis-6.00 a.m. sal-5.00 p.m. 

Dawn l-emendi li saru huma riżultat ta’ eżerċizzju ta’ simplifikazzzjoni ta’ regolamenti li permezz tagħhom il-Gvern qed ifittex li joħloq bilanċ bejn il-ħtiġijiet tal-konsumaturi u l-bejgħ f’pajjiżna.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

Aktar Stqarrijiet Right arrow