Left arrow Mur Lura

Jibdew iċ-ċelebrazzjonijiet tal-Ġimgħa l-Kbira fost l-Anzjani fir-Residenza San VincenŻ De Paul

PR0422
Date Icon 23/03/2007

Iċ-ċelebrazzjonijiet tal-Ġimgħa Mqaddsa fir-Residenza San Vinċenz De Paul ser jibdew nhar il-Ħadd 25 ta’ Marzo, meta l-anzjani ta’ din ir-residenza flimkien mal-ħaddiema jiċċelebraw il-Festa tar-Redentur. Preżenti għal din l-okkażjoni ser ikun hemm l-Onor. Dott. Louis Deguara, Ministru tas-Saħħa, Anzjani u Kura fil-Komunita’ u l-Onor. Helen D’Amato, Segretarju Parlamentari għall-Anzjani u Kura fil-Komunita’.  

Din l-attivita’ ser tittella’ bil-parteċipazzjoni ta’ għadd ta’ għaqdiet volontarji. Fost dawk li ser jieħdu sehem, insibu lill-abbatini mill-Parroċċa tal-Madonna ta’ Lourdes ta’ San Ġwann, l-iScouts tal-Qrendi, l-Għaqda Mużikali Trinita’ Qaddisa, il-Fratellanza tal-Madonna tal-Karmnu taż-Żurrieq u personaġġi Bibbliċi minn diversi lokalitajiet li fihom jittellgħu l-Purċissjonijiet tal-Ġimgħa l-Kbira.  

Dawn il-festi huma parti mill-kultura Maltija u l-Amministrazzjoni ta’ San Vinċenz tisħaq fuq l-importanza li tinżamm ħajja l-kultura u jitkattru t-tradizzjonijiet Maltin. Hu għalhekk li f’din ir-residenza jiġu organizzati numru ta’ attivitajiet soċjali u reliġjużi fuq bażi regolari matul is-sena kollha.  

Huma bosta l-attivitajiet li ser jittellgħu f’din ir-residenza. Ta’ min jgħid li nhar il-Ħamis ser nagħtu bidu għall-esebizzjonijiet tal-Ġimgħa Mqaddsa. Ma tonqosx iċ-Ċelebrazzjoni tal-Ħasil tar-Riġlejn nhar Ħamis ix-Xirka, it-tqassim tal-figolli u ċ-ċelebrazzjonijiet ta’l-Irxoxt.  

Din is-sena għall-ewwel darba, fuq inizjattiva ta’ Patri Dionisio Mintoff u l-Laboratorju tal-Paċi, grupp ta’ refuġjati ser jattendu ċ-ċelebrazzjonijiet u ser joffru rigali, maħduma bl-idejn minnhom stess, lill-anzjani residenti. Patri Dionisio Mintoff qal li dawn ir-refuġjati xtaqu jagħtu kontribut lis-soċjeta’ Maltija bħala ringrazzjament u bħala sinjal ta’ ħbiberija mal-Maltin.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

Aktar Stqarrijiet Right arrow