Left arrow Mur Lura

Skambju ta’ studenti organizzat miċ-Ċentru Għawdxi ta’ l-Arti u l-Artiġjanat Wistin Camilleri

PR0415
Date Icon 23/03/2007

Grupp ta’ ħmistax-il student li bħalissa qegħdin jattendu korsijiet fiċ-Ċentru Għawdxi ta’ l-Arti u l-Artiġġjanat Wistin Camilleri f’Għajnsielem, nhar it-Tnejn li għadda telqu għall-Awstrija għal mawra ta’ tmient’ijiem fejn matulha ser iżuru Vjenna, Salzburg, Munich u r-Repubblika Ċeka. Din hija l-ewwel mawra ta’ dan it-tip organizzata minn dan iċ-Ċentru. 

L-istudenti, li bħalissa qegħdin jiġu mħarrġa f’xogħlijiet tradizzjonali bħall-bizzilla, kreazzjonijiet ta’ prodotti bix-xemgħa, ganutell u rakkmu bid-deheb, qed jiġu alloġġjati fil-Landwirtschaftliche Fachschule Freistadt fl-Awstrija. Din iż-żjaratissarraf f’opportunita’ unika lil dawn l-istudenti biex jaraw u jitgħallmu dwar l-industrija tal-artiġjanat f’dawn il-pajjiżi. Barra minn hekk l-istudenti Għawdxin ser ikollhom il-possibilita’ li jaqsmu l-idejat u l-mod ta’ kif tista’ tingħata espożizzjoni akbar lill-prodotti artiġjanali Għawdxin. 

Bħala skambju ta’ din iż-żjara, 17-il student mill-iskola Awstrijaka ser jiġu Għawdex f’Mejju ta’ din is-sena.  

Bħalissa għaddej xogħol intensiv fuq proġett ko-finanzjat mill-Unjoni Ewropea ta’ estenzjoni fuq l-istess Ċentru Għawdxi ta’ l-Arti u l-Artiġjanat Wistin Camilleri flimkien ma’ xogħlijiet oħra fuq il-proġett tal-bini ta’ Crafts Incubation Centre. F’dawn l-aħħar sentejn dan iċ-ċentru bbenefika wkoll mill-Fond Soċjali Ewropew bit-tnedija ta’ iżjed korsijiet f’Għawdex li qed jiġu offruti għall-ewwel darba. Bħalissa hemm ‘il fuq minn 1,100 student ta’ kull eta’ li qed jisfruttaw l-opportunitajiet edukattivi li qed jiġu offruti minn dan iċ-Ċentru f’Għawdex.  

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

Aktar Stqarrijiet Right arrow