Performance Audit: Reviewing VAT Liability: VAT Investigations and Credit Control Exercises
L-Awditur Ġenerali rrapporta li kien hemm żieda fid-dħul fit-taxxa fuq il-valur miżjud (VAT) wara xogħol ta’ investigazzjonijiet u Credit Control Exercises li jsiru mid-Dipartiment. Madankollu teżisti l-opportunita’ biex jissaħħu proċessi marbuta ma’ dawn il-verifiki. Dan ix-xogħol isir biex jassigura li d-denunzji tat-taxxa, kemm jekk jinvolvu taxxa dovuta jew kreditu ta’ taxxa, ikunu korretti.
Id-Dipartiment jinvestiga u jagħmel il-verifika ta’ denunzji ta’ dawk il-persuni li hu mifhum li l-aktar mistennija jonqsu milli jħallsu t-taxxa. Dan ir-riskju jiġi kkalkulat b’sistema kompjuterizzata fuq bażi ta’ kriterji stabbiliti. Id-Dipartiment iżda m’għandux ir-riżorsi speċjalizzati biex ikompli jiżviluppa xjentifikament dawn il-kriterji, kif ukoll il-weightings u l-parameters tagħhom. In-nuqqas ta’ riżorsi speċjalizzati jtellef ukoll lid-Dipartiment milli jistudja xejriet ekonomiċi li jistgħu jħallu impatt fuq id-dikjarazzjonijiet tal-VAT.
Persuni reġistrati jistgħu wkoll jiġu magħżula għall-investigazzjoni jew għall-credit control exercises mill-maniġment tad-Dipartiment. F’dan il-każ l-għażla tkun ibbażata fuq it-tagħrif u l-esperjenzi ta’ matul iż-żmien mid-Dipartiment. Gwidi f’dan ir-rigward għandhom jiġu msaħħa biex jintlaħaq bilanċ aħjar bejn ir-riżorsi li għandu d-Dipartiment ma kemm hija stmata t-taxxa addizzjonali li tkun trid tinġabar wara x-xogħol tal-verifika.
Għandhom jibqgħu jsiru sforzi biex ma’ l-esperjenza ta’ l-impjegati jiżdiedu nies professjonali. Id-Dipartiment għandu wkoll jibqa’ jsostni l-programm ta’ taħriġ għall-impjegati. Dawn il-passi jgħinu biex isaħħu x-xogħol ta’ verifika billi jiġu adottati proċessi u metodi skond normi ta’ verifika rikonoxxuti.
Id-Dipartiment saħaq illi l-proċess tal-verifika jista’ jkun dgħajjef minħabba n-nuqqas ta’ kooperazjoni minn persuni reġistrati li jkunu taħt investigazzjoni. Hemm individwi li ma jgħaddux id-dokumenti mitluba lid-Dipartiment ħlief waqt is-smigħ fil-bord ta’ l-appelli. F’dan ir-rigward, id-Dipartiment ser jagħmel rakkomandazzjonijiet għal tibdiliet fil-liġi tat-taxxa fuq il-valur miżjud.
L-isforzi ta’ dan l-aħħar li għamel id-Dipartiment biex itejjeb ix-xogħol tal-verifika ta’ denunzji żgur li anke fi żmien qasir għandhom jagħtu riżultati aħjar. Ma’ dawn l-isforzi, madanakollu, jeħtieġ li jkun hemm titjib fil-metodi wżati mid-Dipartiment meta dan janalizza r-riskji marbuta ma’ persuni li l-aktar mistennija jonqsu milli jiddikjaraw u jħallsu t-taxxa dovuta.
Stqarrijiet Oħra:
PR261959en
PRESS RELEASE BY THE OFFICE OF THE SPEAKER The Speaker of the House of Rep...
PR261959