DEMATERJALIZZAZZJONI TAL-BILLS TAT-TEŻOR
L-Accountant General iħabbar li kif indikat fl-Avviż numru 250 ippublikat fil-Gazzetta tal-Gvern ta’ nhar it-Tlieta, 20 ta’ Marzu 2007, id-data ta’ dematerjalizzazzjoni tal-Bills tat-Teżor ser tkun nhar it-Tnejn, 2 t’April 2007. Minn din id-data, il-Bills tat-Teżor ikunu listed fuq il-Borża ta’ Malta.
B’riżultat ta’ dan u kif diġa’ mħabbar fl-Avviż Legali numru 58 (Direttiva dwar id-depożitarju elettroniku għall-Bills tat-Teżor 2007) ippublikat fil-Gazzetta tal-Gvern ta’ nhar il-Ġimgħa 16 ta’ Marzu 2007, il-Bills tat-Teżor eżistenti ma jibqgħux ikunu negozjabbli ġurnata ta’ negozju qabel id-data ta’ dematerjalizzazzjoni, jiġifieri l-Ġimgħa, 30 ta’ Marzu 2007. Mid-data tad-dematerjalizzazzjoni ’l quddiem, dawk il-Bills biss li jkunu reġistrati mal-Borża ikunu eliġibbli li jiġu negozjati fis-suq sekondarju. Għaldaqstant, dawk l-investituri eżistenti li għandhom fil-pussess tagħhom ċertifikati ta’ Bills tat-Teżor għandhom jirritornawhom lid-Dipartiment tat-Teżor sa nhar il-Ħamis, 29 ta’ Marzu 2007 sabiex dawn ikunu jistgħu jiġu reġistrati fid-depożitarju elettroniku tal-Borża ta’ Malta.
Għal dan il-għan id-Dipartiment tat-Teżor ser jibda jirċievi dawn ic-ċertifikati bejn it-Tnejn, 26 ta’ Marzu 2007 u l-Ħamis, 29 ta’ Marzu 2007 bejn it-8.00 u nofsinhar. L-investituri jingħataw riċevuta bħala evidenza tat-titolu tal-investiment sakemm jiġi maħruġ Avviż ta’ Reġistrazzjoni tal-Bill tat-Teżor mill-Borża ta’ Malta. F’każ li investitur ikun irid jinnegozja l-Bill tat-Teżor tiegħu (jew parti minnu) f’dan il-perjodu transitorju, għandu minnufih jikkuntattja uffiċjal tad-Dipartiment tat-Teżor fuq in-numri tat-telefon 25967139 jew 25967141 sabiex jingħata aktar tagħrif.
Stqarrijiet Oħra:
PR261959en
PRESS RELEASE BY THE OFFICE OF THE SPEAKER The Speaker of the House of Rep...
PR261959