DiskussA s-simplifikazzjoni tal-Politika Komuni Agrikola ta’ l-Unjoni Ewropea waqt laqgĦa tal-Kunsill tal-Ministri tal-Biedja fi Brussel
Waqt il-laqgħa tal-Kunsill tal-Ministri Ewropej ta’ l-Agrikultura u s-Sajd, Dr Francis Agius, is-Segretarju Parlamentari responsabbli għall-Biedja u s-Sajd, irrikonoxxa x-xogħol siewi li qed tagħmel il-Kummissjoni Ewropea biex jiġu ssimplifikati l-proċessi u r-regolamenti tal-Politika Agrikola Komuni, fl-aħjar interess tas-setturi ikkonċernati.
Dr Agius saħaq li dan huwa proċess utli ħafna, speċjalment fil-każ ta’ pajjiżi żgħar bħal Malta, fejn il-piż ta’ l-amministrazzjoni ta’ dawn il-proċessi u regolamenti jinħass ferm iktar meta tqabblu ma’ dak ta’ pajjiżi ikbar.
Dr Agius qal li Malta taqbel li l-Organizzazzjoni tas-Suq Komuni (Common Market Organisation) tal-Frott u l-Ħxejjex, u ta’ l-Inbid għandhom ukoll jiġu integrati f’organizzazzjoni waħda, ma’ l-elementi l-oħra li diġa’ hemm qbil dwarhom. Iżda, dan għandu jsir biss wara li jiġu konklużi r-riformi kurrenti li għadhom qed jiġu nnegozjati f’dawn is-setturi.
Għaldaqstant, Dr Agius sostna li t-triq li qed tirrakkomanda l-Kummissjoni, jiġifieri li din l-integrazzjoni jsir f’żewġ stadji, hija l-aħjar għazla. Dan peress li jistgħu jiġu amalgamati immedjatament dawk l-elementi ta’ dawn is-swieq li m’humiex ser jintlaqtu mir-riformi li għaddejjin, waqt li l-integrazzjoni totali tagħhom għandha ssir wara li jiġu konklużi r-riformi relattivi, kif spjegat iktar qabel.
Fi tmiem din il-laqgħa tal-Ministri, il-Presidenza Ġermaniza aċċettat din id-direzzjoni peress li kienet il-pożizzjoni tal-maġġoranza ta’ l-Istati Membri.
Stqarrijiet Oħra:
PR261959en
PRESS RELEASE BY THE OFFICE OF THE SPEAKER The Speaker of the House of Rep...
PR261959