IL-JUM INTERNAZZJONALI TAL-MARA - ŻJARA LILL-ĦADDIEMA NISA U LIR-RESIDENTI NISA FIR-RESIDENZA SAN VINĊENZ DE PAUL
L-Onor Helen D’Amato, Segretarju Parlamentari għall-Anzjani u Kura fil-Komunita’ stiednet lis-Sinjura Vera Hyzler, mart l-Aġent President, lill-Onor Dolores Cristina, Ministru tal-Familja u Solidarjeta’ Socjali, lis-Sinjura Kate Gonzi u lil Dr Maria Deguara, Sindku tan-Naxxar, biex jingħaqdu magħha fir-residenza San Vinċenz de Paul, ħalli f’dan il-Jum ddedikat lill-mara jżuru lill-ħaddiema nisa u lir-residenti nisa biex jirringrazzjawhom tax-xogħol siewi li għamlu fil-passat u li għadhom qed iwettqu. Huma qassmulhom mimoża u pjanti għall-okkażjoni. Dan il-jum ġie mfakkar ukoll fis-seba’ djar ta’ l-anzjani fil-komunita’.
L-Onor. D’Amato, f’kelmtejn li għamlet qalet li din is-sena kienet taħbat is-60 anniversarju minn mindu n-nisa ngħataw id-dritt għall-vot. Hija qalet li l-eta’ medja tan-nisa residenti f’din ir-residenza kienet ta’ 82 sena u għalhekk huma kienu fost l-ewwel nisa li vvutaw f’Malta. ‘F’Jum bħal dan ma nistax ma ningħaqadx ma sħabi biex nirringrazzja lin-nisa ta’ din r-residenza li f’l-okkazjoni ta’ llum qed jirrapreżentaw lill-anzjani kollha ta’ Malta, u nroddilhom ħajr għax huma kienu fost l-ewwel nisa f’Malta li taw il-kontribut tagħhom lill-politika Maltija, u għenu biex tissawwar kultura u mentalita’ fejn il-mara setgħet tibda tieħu l-post xieraq f’kull qasam tas-soċjeta’. Grazzi mill-qalb!’
L-Onor D’Amato kompliet biex tgħid li tliet kwarti mill-anzjani residenti fir-Residenza San Vinċenz De Paul kienu nisa. Hija rringrazzjathom għax-xogħol kollu li għamlu tul ħajjithom u saħqet fuq il-fatt li huma għad fadallhom x’ joffru lis-soċjeta’.
Is-Sinjura D’Amato żaret ukoll lill-ħaddiema ta’ din ir-residenza u filwaqt li ppreżentatilhom il-mimoża, bħala simbolu tal-Jum Internazzjonali tal-Mara, irringrazzjathom tax-xogħol u d-dedikazzjoni tagħhom.
Fil-kummenti tagħha l-Onor Cristina qalet li l-Jum Internazzjonali tal-Mara jagħtina l-possibilita’ biex nuru l-apprezzament tagħna lejn in-nisa kollha li ħadmu bis-sħieħ biex itejbu s-soċjeta’ li minna qed ingawdu aħna lkoll il-lum. Certament li dawn l-anzjani kollha taw il-kontribut tagħhom, min fil-familji tagħhom u min fil-komunita’ biex tissawwar l-ugwaljanza bejn is-sessi. Forsi wħud minnhom ma kinux konxji dwar dak li kien qed jinkiseb, iżda m’hemmx dubju li l-lum qed ingawdu l-frott ta’ dak li huma żergħu.
Stqarrijiet Oħra:
PR261959en
PRESS RELEASE BY THE OFFICE OF THE SPEAKER The Speaker of the House of Rep...
PR261959