Left arrow Mur Lura

AMBAXXATURI ĠODDA GĦALL-ISTATI UNITI U GHALL-AWSTRJA U L-OSCE

PR0333
Date Icon 07/03/2007

Is-Sur Mark Miceli Farrugia nħatar bħala l-Ambaxxatur il-ġdid ta’ Malta għall-Istati Uniti ta’ l-Amerika. Huwa serva mill-2002 bħala Ambaxxatur (Mhux Residenti) ta’ Malta għal-Litwanja, l-Estonja u l-Latvja. L-Ambaxxatur preżenti, is-Sur John Lowell se jtemm il-ħatra tiegħu wara li ilu jservi f’din il-kariga għal dawn l-aħħar erba’ snin.

Mark Miceli Farrugia studja ekonomija u management fl-Universita’ ta’ Malta (B.A. Hons. Economics) u fil-London School of Economics (M.Sc. Management Studies, London School of Economics, University of London) u segwa studji ta’ Marketing Internazzjonali f’Tufts University, USA. Huwa gradwat b’Diploma fi Studji Diplomatiċi mill-Mediterranean Academy of Diplomatic Studies (MEDAC), Universita’ ta’ Malta. 

L-Ambaxxatur il-ġdid għall-Istati Uniti, li bħalissa huwa l-President tal-Kamra tal-Kummerċ Malta-Stati Uniti, għandu karriera twila kummerċjali kemm f’Malta kif ukoll fil-Kanada u fl-Italja.  

Huwa miżżewwġ lil Josette nee Lapira u għandhom tifel, Christopher.  

Is-Sur Christopher Grima nħatar Ambaxxatur ta’ Malta għall-Awstrija u għall-Organizzazzjoni għas-Sigurta’ u l-Kooperazzjoni fl-Ewropa. Christopher Grima għandu karriera diplomatika twila fis-servizz diplomatiku Malti u serva fl-ambaxxati ta’ Malta fil-Kummissjoni Maltija f’Londra, fil-Missjoni Maltija għan-Nazzjonijiet Uniti fi New York, fi Vjenna u fil-Missjoni Permanenti ta’ Malta għall-Unjoni Ewropea fi Brussels, fejn kien Deputat Rappreżentant Permanenti. 

Huwa kiseb Masters fl-istudji diplomatiċi mill-Universita’ ta’ Westminster f’Londra u għamel ukoll stage ta’ tliet xhur mas-Segretarjat tal-Kunsill ta’ l-Unjoni Ewropea.

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

Aktar Stqarrijiet Right arrow