Left arrow Mur Lura

L-ONOR HELEN D’AMATO TIEĦU SEHEM FL-LAQGĦA TAL-KUNSILL TAL-MINISTRI TA’ L-EU DWAR TEMI SOĊJALI

PR0259
Date Icon 23/02/2007
Il-bieraħ fiBrussell iltaqa’ l-Kunsill tal-Ministri ta’ l-Impjiegi u l-Politika Soċjali fejn matulu ġew diskussi diversi temi soċjali li ser ikunu parti mill-aġenda tal-Kunsill Ewropew li se jiltaqa’ aktar tard ix-xahar d-dieħel u li fih jipparteċipaw il-kapijiet ta` l-Istati Membri.
Is-SegretarjuParlamentari Helen D’Amato pparteċipat f’dan il-Kunsill fejn hija tkellmet dwar żewġ temi prinċipali li kienu jinkludu l-bidliet fix-xejriet demografiċi u temi li joħorġu mill-proċess ta’ Lisbona.
L-Onor D’Amatosaħqet fuq l-importanza tal-protezzjoni u l-inklużjoni soċjali, il-ġlieda kontra l-faqar, speċjalment fost it-tfal, kif ukoll il-ħtieġa ta’ pensjonijiet li huma adegwati u sostenibbli.  F’dan il-kuntest hija saħqet ukoll dwar il-fatt li l-ogħti tas-servizzi tas-saħħa u l-kura fit-tul għandhom ikunu ggwidati mill-ħsieb ta’ solidarjeta` soċjali u mhux  fuq il-prinċipju tas-suq ħieles u ta’ kompetizzjoni. Fl-istess waqt għandu jkun assigurat li dawn is-servizzi għandhom ikunu aċċessibbli, adegwati u sostenibbli.  Dan kollu jiddependi u jista’ jintlaħaq jekk il-pajjiżi jagħrfu joħolqu bilanċ bejn l-oqsma soċjali u l-oqsma ekonomiċi li jridu jkunu kompetittivi f’dinja globalizzata.
Dwarit-tibdil fix-xejriet demografiċi hija saħqet li l-ewwel u qabel kollox dawn il-bidliet għandhom jitqiesu bħala opportunita` u mhux bħala piż.  Huma diversi l-bidliet li qed iseħħu, fosthom id-daqs tal-familja, it-tnaqqis fir-rati ta’ fertilita` u l-fatt li n-nies qed jgħixu aktar fit-tul.  Dan qed iwassal biex il-popolazjoni tkun waħda aktar anzjana u qed tħalli effett fuq l-iżvilupp soċjali u ekonomiku tas-soċjeta`.  L-Onor D’Amato  ħeġġet li d-diskussjoni dwar din it-tema, hekk importanti u sensittiva, għandna nħarsu lejha b’mod mill-aktar wiesgħa imma fl-istess ħin b’mod ħolistiku u ko-ordinat.
Fid-dibattituhija rreferiet ukoll għall-effetti li l-immigrazzjoni qed tħalli, b’mod partikolari, fuq il-pajjiżi tal-Mediterran.
L-Onor D’Amatowasslet ukoll l-appoġg ta’ Malta għall-proposta tal-Presidenza Ġermaniża għat-twaqqif ta’ Alleanza Ewropea għall-Familji. Hija enfasizzat l-importanza tat-tisħiħ tal-familja u l-qsim ta’ l-idejat u ta’ prattiċi tajbin dwar politika favur il-familja.
Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

Aktar Stqarrijiet Right arrow