Left arrow Mur Lura

“Il-Gvern jemmen fil-koperattivi.  Liġi, struttura u investiment tal-Gvern sabiex il-koperattivi jkunu suċċess” – Segretarju Parlamentari Edwin Vassallo

PR0228
Date Icon 20/02/2007
“Li numru ta’self employed jew sidien ta’ negozji żgħar jorganizzaw koperattiva għandu jiġi kkunsidrat bħala mod ieħor ta’ kif isir in-negozju, fiċ-ċirkustanza fejn illum fis-suq sar hawn ħafna kompetizzjoni.  Nhar is-Sibt, 24 ta’ Marzu 2007 bejn it-8.30am u t-3.30pm.,  il-Gvern, permezz tas-Segretarjat Parlamentari għan-Negozji Żgħar u s-Self Employed ser ikun qiegħed jorganizza konferenza li ser tlaqqa’ rappreżentanti tal-koperattivi kollha.
L-għan ta’ dinil-konferenza hu biex dawn ir-rappreżentanti jħarsu lejn l-operat tagħhom u janalizzaw fejn jista’ jkun hemm titjib fil-ħidma tagħhom u biex is-suċċess tal-ħidma tagħhom ikun ta’ eżempju għal bosta self-employed u sidien ta’ negozji żgħar li jistgħu jkunu qed ifittxu mod ieħor ta’ kif jagħmlu l-kummerċ tagħhom biex jegħlbu l-kompetizzjoni tas-suq.”  Dan kien il-ħsieb li s-Segretarju Parlamentari għan-Negozji Żgħar u s-Self Employed, Edwin Vassallo, qasam ma’ rappreżentanti ta’ numru ta’ Koperattivi li attendew għal laqgħa preparatorja għall-Konferenza Nazzjonali.
Għal dinil-laqgħa preparatorja ġew mistiedna jattendu wkoll membri mill-Bord tal-Koperattivi u mill-entita’ magħrufa bħala APEX.  Ir-rappreżentanti tal-koperattivi li attendew għal din il-laqgħa preparatorja ġew imħeġġa biex bħala koperattiva jiltaqgħu u flimkien jagħmlu SWOT analysis tal-ħidmau l-operat tagħhom.  Din is-SWOT analysis imbagħad ser tiġi diskussa waqt il-konferenza.  Din il-konferenza ser isservi wkoll bħala proċess ta’ konsultazzjoni għat-tħejjija ta’ emendi għal-liġi tal-koperattivi.
F’Malta għandna54 koperattiva, li għandhom 352 membru.  Il-Gvern determinat li jara dan in-numru jkompli jikber.  Il-koperattivi jistgħu jkunu l-għodda sabiex in-negozji tagħna jagħmlu l-qabża fil-kwalita’ sabiex jikkoperaw aktar flimkien għas-suċċess ta’ l-operat tagħhom.  Fost il-koperattivi, wieħed isib koperattivi bħalma huma dawk tal-bdiewa, spiżjara, mastrudaxxi, burdnara, tal-kultura, tal-media, coaches u oħrajn.  Għalhekk, koperattivi jistgħu jieħdu diversi forom sabiex jaqdu kull tip ta’ ħtieġa tan-negozji u ta’ kull attivita’ kummerċjali.
Is-SegretarjuParlamentari Vassallo temm il-laqgħa billi qal “il-Gvern huwa impenjat li jara li l-esperjenza tal-koperattivi tibqa’ tkun esperjenza imġedda skond il-ħtiġijiet ta’ żminijietna.  Il-koperattivi ma jistgħux jibqgħu esperjenza ta’ l-imgħoddi.  Il-persuni li qegħdin fin-negozju għandhom jaraw il-koperattivi bħala mod ieħor ta’ kif jista’ jsir in-negozju.  B’dan il-mudell ta’ koperattvi, fiduċjuż li ħafna negozji, li llum minħabba l-kompetizzjoni qed isibuha diffiċli li jagħmlu n-negozju tagħhom, jekk jgħaqqdu l-enerġiji tagħhom f’koperattiva, huma jiksbu saħħa akbar biex ikunu jistgħu jikkompetu aħjar.  L-esperjenza ta’ koperattiva tista’ tkun ta’ għajnuna, appoġġ u tisħieħ għal kull settur ta’ negozju.  Għalhekk ejjew naraw x’nitgħallmu mill-esperjenzi ta’ l-imgħoddi u naraw kif nistgħu nsaħħu l-esperjenza tal-koperattiva fil-preżent, u niggarantixxu wkoll suċċess għall-ġejjieni.  Dan il-proċess ta’ analiżi jridu jagħmluh dawk kollha kkonċernati f’dan l-eżerċizzju ta’ konsultazzjoni, li huwa maħsub biex filwaqt li janalizza fejn jeħtieġ li jkun hemm titjib, huwa wkoll maħsub biex juri l-koperattviv bħala mod ieħor ta’ kif ħafna aktar self-employed u sidien ta’ negozji ikunu jistgħu jirbħu fil-kompetizzjoni.”

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

Aktar Stqarrijiet Right arrow