It-toroq residenzjali kollha ta’ Ħal Qormi ser ikunu tlestew sa ftit ġimgħat oħra
PR0227
20/02/2007
| It-toroq | residenzjali kollha li jridu jinbnew mill-Gvern Ċentrali f’Ħal Qormi ser ikunu tlestew sa 8 ġimgħat oħra, meta jintemm ix-xogħol li għaddej bħal issa fuq period contract li ħareġ f’Diċembru li għadda. |
| Waqt żjara li | għamel f’din il-lokalità nhar it-Tlieta wara nofsinhar, il-Ministru għall-Iżvilupp Urban u Toroq, l-Onor. Jesmond Mugliett qal li Ħal Qormi ser ikun wieħed mill-ewwel irħula li jidhru fuq il-Programm ta’ bini ta’ Toroq Residenzjali li ser jiżdiedu mal-lista ta’ lokalitajiet li ma jkunx fadlilhom toroq residenzjali x’jinbnew. |
| “Il-Gvern | bħalissa qed jinvesti mal-Lm85,000 (mal-€198,000) fil-bini ta’ 8 toroq f’Ħal Qormi. Dawn jiżdiedu mal-10 toroq oħra li nbnew f’din il-lokalità mis-sena 2003 ’l hawn. Dan juri l-impenn ċar tal-Gvern f’dan il-qasam u huwa xhieda ta’ kemm ilhom jingħataw prijorità għolja t-toroq residenzjali fl-istrateġija tat-titjib tan-network ta’ toroq ta’ pajjiżna,” qal il-Ministru. |
| Bħalissa, f’Ħal | Qormi qed jinbnew 6 toroq permezz ta’ period contract li kien iffirmat meta ngħataw mal-Lm1.2 (mat-€2.8 miljuni) miljuni f’xogħlijiet simili madwar Malta f’Diċembru tas-sena l-oħra. Dawn huma Triq Fonzu Meli, Triq Ġużé Maria Camilleri, Triq Dun Alwiġ Psaila, Triq il-Kaċċatur, Triq Mons. Gerald Frendo u parti minn Triq Belliċ. Ma’ dawn żdiedu wkoll Triq ta’ l-Armal u Triq ir-Ragħaj li ser jinbnew bħala parti mill-proġett ta’ Triq in-Nassab. It-tul ta’ dawn it-tmien toroq jiżboq il-kilometru. |
| Il-Ministru | għall-Iżvilupp Urban u Toroq qal li t-tlestija ta’ dawn it-toroq ser ittejjeb l-ambjent ta’ dawn l-inħawi, kif ukoll ittejjeb il-kwalità tal-ħajja ta’ kull min jgħix fihom. Iżda f’ċertu każijiet dawn ix-xogħlijiet jistgħu jkunu ta’ fejda anke għall-ekonomija tal-pajjiż. Dan minħabba li dawn l-inħawi jilqgħu ukoll bosta intrapriżi ta’ daqs żgħir bħal sprayers u mechanics, li huma l-mutur ta’ l-ekonomija ta’ pajjiżna. |
| Fil-fatt, | il-ġimgħa d-dieħla, il-kuntrattur li bħalissa qed jaħdem fuq Triq Fonzu Meli, Triq Ġużé Maria Camilleri u Triq Dun Alwiġ Psaila, ser jibda jaħdem fuq Triq il-Kaċċatur, li hija triq li tilqa’ fiha kemm residenzi, kif ukoll intrapriżi żgħar. |
| Dwar dan tkellem | ukoll is-Segretarju Parlamentari għan-Negozji Żgħar u s-Self Employed, Edwin Vassallo, li qal: “B’sodisfazzjon hawnhekk qegħdin naraw eżempju ta’ kif il-Gvern dejjem ħadem biex jiffaċilita n-negozju. Bħalma sar xogħol infrastrutturali fiż-żoni industrijali tal-Ħandaq, l-iMrieħel, il-Mosta u Ħaż-Żebbuġ, hekk ukoll sar xogħol f’dawn it-toroq, li huma l-biċċa l-kbira residenzjali.” |
| Hu spjega li dan | ix-xogħol ser jikkumplimenta dak li sar fiż-żona industrijali li qiegħda fil-qrib, u b’hekk kemm in-negozjanti kif ukoll il-konsumaturi ser ikunu jistgħu jinqdew aħjar. |
| “Dan ix-xogħol | huwa eżempju ta’ kif il-Gvern qiegħed jaħdem bl-aħjar mod possibbli biex itejjeb l-attività kummerċjali f’pajjiżna. Dan hu eżempju ċar ta’ kif żewġ Ministeri ħadmu flimkien biex tejjbu l-infrastruttura u l-ambjent għan-negozjanti u l-konsumaturi tagħna,” temm jgħid is-Segretarju Parlamentari. |
| DOI | 20.02.2007 |
Stqarrijiet Oħra:
PR261959en
PRESS RELEASE BY THE OFFICE OF THE SPEAKER The Speaker of the House of Rep...
PR261959