Left arrow Mur Lura

1,400 Prinjolata għall-Anzjani li jattendu Ċ-Ċentri ta’ Matul il-Jum

PR0206
Date Icon 16/02/2007

F’dawn il-jiem tal-Karnival, id-Dipartiment ta’ l-Anzjani u Kura fil-Komunita’ qassam ’il fuq minn 1,400 prinjolata lill-anzjani li jattendu ċ-Ċentri ta’  Matul il-Jum. F’dawn iċ-Ċentri qed jittellgħu diversi attivitajiet biex jiġi ċċelebrat il-karnival, u din id-darba l-protagonisti huma l-anzjani.  

L-Onor. Helen D’Amato, Segretarju Parlamentari għall-Anzjani u Kura fil-Komunita’ żaret uħud mill-festini li ttellgħu f’dawn iċ-Ċentri u qalet li l-għan ta’ dawn l-attivitajiet hu li l-anzjani jiddevertu u jissoċjalizzaw filwaqt li jżommu ruħhom attivi.   

Attivitajietbħal dawn jgħinu sabiex l-anzjani jħossu li huma kapaċi u li għad għandhom x’joffru lis-socjeta’, f’oqsma differenti anke dawk kulturali. Hija ħeġġet lill-anzjani preżenti biex jibqgħu attivi, kulħadd bil-mod tiegħu u skond kemm jista’. Hija saħqet dwar l-importanza li l-anzjani jibqgħu attivi waqt l-anzjanita’ tagħhom.
Hija qalet:“attiv ma tirreferix biss għall-kapaċita,’ li wieħed ikun attiv fiżikament, iżda tirreferi wkoll għall-kontinwazzjoni fl-involviment tal-persuna fl-attivitajiet soċjali, edukattivi, ekonomiċi, spiritwali u kulturali. Anzjani  li jbatu minn xi diżabilita’ fiżika jew li huma morda, xorta waħda jistgħu jagħtu l-kontribut tagħhom lill-familja, ħbieb u lill-komunitajiet li jgħixu fihom. Hija qalet li anzjan attiv huwa anzjan kuntent… precizament kif nixtieqkom jien”.
Hija qassmet prinjolatalill-anzjani kollha li jattendu f’dawn ic-Centri. Ta’ min jgħid li bħalissa hemm 1400 anzjan li jattendu ċ-Ċentri ta’ Matul il-Jum. Iċ-Ċentri ta’ Matul il-Jum bdew fl-1995 meta nfetħu dawk tal-Hamrun u ż-Żejtun u l-aħħar wieħed li nfetaħ kien propju s-sena l-oħra f’Ħal Safi.
Tul dawn l-aħħar għaxar snin dawniċ-ċentri evolvew minn ċentri soċjali, fejn l-anzjani kienu jiltaqgħu biex jissoċjalizzaw u jgħaddu l-ħin flimkien, għal ċentri fejn l-anzjani jiġu mogħtija anke servizzi ta’ podologija, occupational therapy  u fiżjoterapija. Jiġu organizzati wkoll attivitajiet edukattivi, rekreattivi u spiritwali fuq bażi regolari skond iż-żmien tas-sena u tradizzjonijiet Maltin.
Min jixtieq jidħol membruf’wieħed minn dawn iċ-Ċentri għandu jċempel fuq 2299 2460 u jingħata aktar informazzjoni.

DOI - 16.02.2007

Ixxerja din l-istqarrija Icon socials Icon socials Icon socials Icon socials

Stqarrijiet Oħra:

PRESS RELEASE BY THE OFFICE OF THE SPEAKER  The Speaker of the House of Representatives Meets Ambassadors of Guatemala, Lebanon and Vietnam

PR261959en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra tad-Deputati jiltaqa’ mal-Ambaxxaturi tal-Guatemala, il-Libanu u l-Vjetnam

PR261959

STQARRIJA MILL-UFFIĊĊJU TAL-ISPEAKER L-Ispeaker tal-Kamra tad-Deputati jil...

Aktar Stqarrijiet Right arrow